2011/3

Greba hasiko dute Etengabeko Zerbitzu Guneetan

Osasun zentroetako Etengabeko Arreta Guneetako langileek gaurtik hilaren 26ra arte greba egingo dute.

Otamotz.com Urretxu-Zumarraga

Legazpiko merkatari elkarteak ‘ilinti.es’ sareko ataria aurkeztu du

Legazpiko Ilinti merkatari elkarteak webgune berria aurkeztu du. Ilinti.es helbidean aurki daiteke eta jada martxan dago. Merkatariei eta herritarrei zerbitzua eskaini nahi die atariak. Webgunea euskaraz eta gaztelaniaz irakur daiteke eta dagoeneko edukiz hornituta dago. Helburua, «internetek eskaintzen dizkigun aukerak baliatzea» da, Ilintiko kide den Bittor Larrazaren esanetan. «Informatzeko, gure elkartearen berri emateko, ekintzak ezagutarazteko eta antoltzen ditugun kanpainak jasotzeko» balioko du. Legazpiko merkatal sare antolatua osatzen duten profesionalak ezagutara emateko ere baliatuko dute ataria, elkarteko kideen datu profesionalak ere jasotzen baititu. Atalak Webguneak hainbat atal biltzen ditu. Azalak garai bakoitzean elkartea burutzen ari den, edo burutu berri den kanpainaren berri emango du. Albisteak atalak hemeroteka eta ikus-entzunezko lanen biltegi lanak egingo ditu. Egunkarietako albisteek osatuko dute hemeroteka eta ikastaroek eta azken orduko albisteek ere lekua izango dute atal honetan. Elkartea atalean berriz, «Ilintik eskaintzen dituen abantailak eta zerbitzuak» zerrendatzeaz gain, batzordeko ordezkarien berri ere ematen dute. Beste alde batetik, bazkideei zuzendutako atala ere badu webguneak, elkarteko bazkide egiteko aukera eta informazioa ematen dituena. Atari publikoaz gain, webguneak bazkideek soilik erabili ahalko duten gune pribatu bat ere izango du. Hemen estatutuak edota dokumentazioa jarriko dituzte kideen eskura. Azkenik, Kanpainak atalean 2009. urtetik Ilintik burutu dituen kanpaina desberdinen berri jaso dute, [...]

Alex Areizaga

Goierrin bizi diren etorkinen arteko futbol txapelketa larunbatean hasiko da Lazkaon

Goiekiren datuen arabera Goierri behealdean 70 naziotasunetako jendea bizi da gaur egun. Europa ekialdeko jatorridunak dira kopuruz gehienak, Marokokoak ondoren eta Ekuadorkoak gero. Hain zuzen, ekuadortarrek osatutako Mushu Pakari elkarteak antolatuta...

Aimar Maiz

Entrenamendu saio irekia egingo du Andraitzek igandean

Legazpiko Andraitz saskibaloi eskolak 1999 eta 2001 urte bitarteko gazteentzako entrenamendu saio irekia egingo du etzi, hilak 20, 10:00etan Bikuñan.

Legazpiko Hitza

Ordiziako txirrindulari eskolak babesle berriarekin hasi du denboraldia

Ordiziako txirrindulari eskolak asteburuan ekin zion denboraldi berriari, Beasainen jokatu zen lasterketarekin. Bide batez, Ikolan Lanaldi babesle berriaren aurkezpena ere egin zuten. Beasaingo proban, infantil mailan, talde horretako Andoni Elortzak erlojuaren aurkako proba irabazi zuen, eta bigarren egin zuen lineako lasterketan. Alebinetan berriz, Mikel Alonsok bigarren egin zuen. Taldeko hiru neskek ere lan “bikaina” egin zuten, Ziortza Barandiaranek, Elena Zubiaurrek eta Josune Aldanondok, bakoitzak bere kategorian irabazi baitzuen. Lasterketaren amaieran, Ikolan Lanaldi babesle berriaren aurkezpen ekitaldia egin zuten. Bertan izan ziren Ikolaneko Juanjo Gonzalez eta Ordiziako txirrindulari eskolatik pasatako hainbat txirrindulari: Aitor Perez Arrieta, Dioni Galparsoro eta Garikoitz Bravo, besteak beste.

Ordiziako Hitza

Atzegik 50 urtean egindako lana omenduko du aurtengo Olaria sariak

Atzegi izango da 2011ko Legazpiko Olaria saria jasoko duen elkartea. Hala erabaki du sariaren epaimahaiak eta Gipuzkoako adimen urritasuna duten pertsonen aldeko erakundeak maiatzaren 3an jasoko du aitortza, Santikutz jaien barruan. Aurten hiru hautagai aurkeztu dituzte Olaria sarira: Atzegi, Legazpiko Gazteak kirol elkartea eta Legazpiko musika banda. Epaimahaia udalean ordezkaritza duten alderdietako kideek, urtero aldatuz doazen hiru elkartek eta iazko irabazleek osatzen dute. Hala, politikariei eta iazko irabazle izan ziren Mirandaolako olagizonei, igeriketa taldeko eta Oripavi eta Iratzarri elkarteetako ordezkari bana batu zitzaien epaimahai gisa jarduteko. Pasa den astean, asteartean, bildu zen talde hau, eta bozketan Atzegi irten zen garaile, aldeko zazpi bozkarekin. Bandak 5 lortu zituen eta gazteen kirol elkarteak aldiz, bi. Bigarren itzulia bi talde finalistekin egin zuten. Hemen, Atzegi 4 bozkarekin suertatu zen garaile eta bandak gainontzeko hiru bozkak eskuratu zituen. Inma Hernandez Urola Garaiako Atzegiko arduraduna da. «Oso gustura» agertu da elkarteari egingo zaion aitortzarekin. «Herriak familiek egiten dugun lanabaloratzen dute eta oso positiboa da hori, oso pozgarria da». Familien elkarteak 50 urte bete zituen iaz, eta Legazpin ekintza desberdinekin ospatu zuten hori, tartean, kultur etxean jarri zuten erakusketa batekin. Urte hauetan, «borroka asko egin duen jende asko», egon dela dio Hernandezek. «Herri askotan eta baita [...]

Alex Areizaga

Kirolaren aldeko lanari esker ona

Kirolgi fundazioak kirolaren arloan egin duten lana eta apustua eskertu nahi izan die Ordizia Rugby Elkarteari eta Ampo eta Irizar kooperatibei. Ormaiztegiko lantegian egin zuten ekitaldian, errugbi taldeak aurten egin duen «denboraldi bikaina» azpimarratu zuen Iñaki Galdos Kirolgikolehendakariak. Gorka Herranz Irizar taldeko lehendakariak berriz, Irizarrek eta errugbi taldeak «filosofia bera eta taldelana bezalako baloreak» konpartitzen dituztela azaldu zuen.

Arkaitz Apalategi

”Afrika zabaldu” ekimenari amaiera emango diote gaur bi dokumentalekin

Eraldatzen eta Haurralde elkarteak emakume afrikarren sormen lanak ekarri ditu martxoan zehar.

Otamotz.com Urretxu-Zumarraga

Herritarra zoriontzea helburu

Ion Telleria gazte independentistaren urtebetetze eguna da gaur, martxoak 15. Egun Soto del Real (Madril) espetxean dago preso eta hari urte askotarako opatzeko helburuarekin haren lagun artekoek, Idiazabalgo ezker abertzaleko kideek, herriko hainba...

Estitxu Imaz

Aitxuriko ikasleek hainbat zuhaitz landatu dituzte

Aitxuri herri eskolako ikasleek hainbat zuhaitz landatu dute Zuhaitz Egunean, Anduetza baserriaren ingurunean. Azken urte hauetan Eskola Agenda 21aren barruan, ingurunea eta ingurunearekiko errespetua lantzen ari dira Aitxurin eta urteroko moduan, Z...

Estitxu Imaz

Ziri baten bidez mina kentzen duen teknika

Bui Quoc Chau vietnamdarrak 80. hamarkadan asmatutako teknika da Fazioterapia. Javier Felipe Perez adituak azaldu duenaren arabera, “ziri baten bidez aurpegiko gune zehatz batzuetan presioa eginda hezurretako, giharretako eta artikulazioetako tr...

Eskeine Legorburu

‘Serse’ operaren bigarren zatia bihar proiektatuko dute

Bihar iluntzean DVD bidezko opera emanaldia egingo dute Legazpin. Haendel konposatzailearen Serse operaren bigarren zatia proiektatuko dute, lehena pasa den astean ikusi ondoren. Emanaldia 20:30ean hasiko dute kultur etxean, eta sarrera irekia da herri...

Goierriko Hitza

1936ko tiro hotsen oihartzuna

Legazpi 1936ko irailaren 19an okupatu zuten Francoren aldeko tropa nazionalek. Ordurako, 2.400 biztanleko herri txikian 300ndik gora bizilagun falta ziren, garai beltz eta luze baten hasieraren iragarle gisa. Iñaki Iurrebaso soziologo legazpiarrak liburu baten forma eman die kontakizun horiei. Legazpi 1936 izenburupean aurkeztuko du gaur 19:00etan kultur etxean. 36ko gerrarekin lotutako Legazpiko kontakizunen, gertaeren eta dokumentuen narrazio idatzia. Lan honetan beste hainbat herritarrek laguntza izan du Iurrebasok. Gerra aurreko Legazpi «herri txikia» zen, 2.400 biztanlekoa. Oraindik ere gizarte tradizionalaren ezaugarri asko zituen. «Baserriak pisu handia zuen, industria, Patriziorena batez ere, haziz bazihoan ere», dio Iurrebasok. Fabriketarako immigrazioa hasia zen jada, Hego Euskal herritik gehienbat. Herri «euskalduna eta oso abertzalea» zen –1933ko huteskundeetan 3 herritarretik 2k EAJri eman zion botua–. 36ko gerra uztailaren 18an lehertu zen, Francoren tropak altxatu zirenean. Euskal Herrian Mola jeneralak gidatu zuen altxamendua Nafarroan. Legazpira gerra hasi eta bi hilabetetara heldu zen. Denbora horretan errepublikarren esku egon zen herria. «Erantzuna bat-batekoa izan zen, sindikatuek eta ezkerreko alderdiek greba orokorra deitu zuten, eta Legazpin erantzun zabala izan zuen» azaldu du Iurrebasok. Gerra piztu eta bi egunera «oinarrizko defentsa bat» ere sortuta zuten herrian; inguruko mendietan lubakiak egiten hasiak ziren. Udalak herritarrei arma guztiak entregatzeko exijitu zien, ibilgailuak jaso [...]

Alex Areizaga

Benito Ros izan zen garaile igandeko trialsin proban

Benito Ros eta Ion Areitiok lortu zituzten lehenengo eta bigarrengo postuak Superclass mailan. Biak ere, mundu mailan errefente dira kirol honetan....

Otamotz.com Urretxu-Zumarraga

Haserako zikloa bukatuta, ‘hiri hezitzailea’ proiektua sendotu egin nahi dute

Herritarren arteko harremanak estutu eta elkarlanean ekimen hezitzaileak sortzeko helburuarekin abiarazi zuten, duela hiru urte, Ordizia, hiri hezitzailea proiektua. Behin epe hori pasata, hasierako zikloa itxitzat eman dute ekimenaren bultzatzaileek, eta etorkizunean, berau garatzea «herritarren esku» geldituko dela azaldu dute. Orain arte egindakoaren bidetik, aurten beste 31 ekintza jasotzen dituen zerrenda osatu dute, denak, partehartzea eta herritarren arteko elkarlana oinarri hartuta. Hiru urteotako lanaren balantzea egin dute gaur ekimenaren bultzatzaileek. Proiektua, Belen Maiza zinegotziaren eta EHUko hainbat adituren artean mamitu zuten 2008an. Aurrena, herriko behar eta arazoen diagnosia egin zuten; horretarako, 200 herritarren artean inkesta bat eginda. 2009. urtean, «oinarrizko ideia nagusiak» zehaztu zituzten eta 2010etik aurrera hasi ziren proiektuak martxan jartzen. Hasierako ziklo honen itxieran, gustora agertu da Felix Etxeberria EHUko irakaslea. «Eragile ezberdinek, pausoz pauso, ikuspuntu amankomun bat lortu dute, eta harreman interesgarriak sortu dira». Besteak beste, jubilatuen eta gazteen arteko «harremana eta elkarlana lantzeko sortu den dinamika» aipatu du Etxeberriak. Belen Maiza zinegotziak ere, herriko elkarteetako kideek eta norbanakoek hiru urteotan «elkarrekin egindako lana» azpimarratu du, eta «hiri hezitzaileko taldeak, etorkizunerako funtzionamendua eta oinarriak» jarri dituela. Joxe Garmendia irakasleak berriz, «proiektu hau herriarena» dela gogorarazi du, eta esker ona agertu die orain arteko ekintzetan parte hartu duten [...]

Arkaitz Apalategi

Lankidetza proiektuak garatzeko diru laguntzak eskatu daitezke

Garatze bidean dauden herrialdeetan lankidetza proiektuak garatzeko diru languntzak eskatzeko epea ireki du Beasaingo Udalak. Aurten gainera, hainbat aldaketa egin dituzte eskaerak egiteko oinarrietan. Udalak eta herriko taldeek eta erakundeek hartu dute aldaketak egiteko erabakia. Aldaketa horien ondorioz, herriko erakundeei eta elkarteei laguntza gehiago emango zaie aurten. Hala, proiektua baloratzeko kontuan hartzen diren 100 puntutatik erdiak lortzeko aukera izango dute herriko taldeek. Malu Valles Ongizate zinegotziak aurreko ostiralean egin zen udalbatzan azaldu zuenez, erakundeek Beasainen duten eragina 50 punturekin neurtuko da aurrerantzean. Puntu horiek lortzeko beasaindarren partaidetza eta elkarlaguntza bultzatzeko egindako ekintzak, sentiberatze ekintzak, elkartean herriko gazte languntzaileak aritzea eta Beasaingo Boluntario Egunean parte hartu izana hartuko dira kontuan. Gainerako 50 puntuak proiektuaren xehetasunen arabera banatuko ditu Beasaingo Udalak. Gazte laguntzaileei bekak Udalak zehaztutako laguntzen barruan gazte laguntzaileentzako bekak ere sartuko dira. Udalak emandako laguntza bidaiaren joan-etorri gastuak ordaintzeko erabili ahalko dute kooperanteek eta, gehienez ere, 3.000 euroko laguntza jaso ahalko du eskatzaile bakoitzak. Eskaera apirilaren 29a baino lehen egin behar da. Hondamendi naturalek, gatazka armatuek eta antzeko gertaerek eraginda larrialdi eta hondamendi egoeran dauden pertsonei laguntzeko eskaerak ere egin daitezke Beasaingo Udalean urriaren 29ra arte. Laguntzen eskaera orriak Beasaingo Ongizate sailean aurkeztu behar dira. Informazio gehiago jasotzeko Beasaingo Udalera [...]

Eskeine Legorburu

Euskadiko BTT Open-a jada martxan

zingizango.com• Abian da, jada, 2011 urteko Euskal Herriko BTT Open saria. Aramaion eman zitzaion hasiera txapelketa interesgarri honi. Bertan izan ziren bi legazpiar. Goizeko 10.30ean hasi ziren lehian bost kilometroko zirkuitu gogorrean. Bertara hainbat kategoriatako 130 txirrindulari gerturatu ziren eta lehia aurrera zihoan heinean txirrindulariak sakabanatzen joan ziren. Gorabehera asko zituen bost kilometroko zirkuitu teknikoa izan zen igandekoa. Junior mailan Ander Ibarguren izan genuen lasterketan. Bere adinekoen artean zortzigarren postuan sailkatu zen. Master 40 mailan Imanol Ugarte beteranoa bikain aritu zen bere bizikleta zahar eta pisutsuarekin eta bigarren sailkatu zen. Aspaldian mendiko bizikleta ukitu gabea zen eta gustura zegoen Telleriarte Txirrindulari Taldeko zaharrena. Bejondeiela bi kirolari hauei eta hurrengo lasterketan, apirilaren 17an, Erandion, zortea izan dezatela.

Legazpiko Hitza
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa