
Unai Baztarrika da Beasaingo Udalerako Aralarrek osatu duen zerrendako burua. Aurten lehen aldiz aurkeztuko du Aralarrek bakarka Beasaingo alkatetzarako hautagaia. Atzo egindako aurkezpenean adierazitakoaren arabera, Aralar “proiektu abertzale eta ezkerrekoarekin aurkeztuko da datozen udal hauteskundeetara”. Beasainen ezkerrekoa eta abertzalea den alternatiba bat posible dela uste dute, “haize berriak, kudeaketa eredu berriak eta politika egiteko molde berriak behar dituelako” herriak. Olaia Duarte da bigarrena Aralaren zerrendan eta hirugarrena Mikel Zurbano. Patxi Aierbe Oria bailarako Batzar Nagusietarako hautagaia eta Laida Elizegi Iratzarri Aralargo gazte taldeko arduraduna ere Beasainen izan ziren atzo, hautagaiei babesa adierazten. Gobernu aldaketa Aralargo kideen iritziz, “Beasaingo Udalak aldaketa behar du” eta aldaketa horretan Aralarren lehentasuna herri ekologiko eta berde bat eratzea izango da, eskualdeko mugikortasun plan bat eratzea, gizarte politikak sendotzea, benetako parte-hartzea bultzatzea eta pribatizazioari mugak jartzea. Hirigintza pertsonen eskura jartzeko lan egingo dutela zehatzu dute eta gazteek Beasaingo politikan parte aktiboa izatea nahi dutela. Beasaingo lehen hizkuntza euskara izateko pausoak emateko prest agertu dira Aralar alderdiko hautagaiak. Herri ekologiko eta berde baten alde Eskualdeko herriak ingurumena hobetzeko “esparru ezin hobeak” direla azaldu du Baztarrikak, eta tartean baita Beasain ere. Horregatik, herri osasuntsuagoak, bizi-kalitate hobeagokoak eta inguruarekin errespetuzkoak eraiki nahi dituzte. Hiri hondakinak kudeatzeko ziklo osoa aztertuko [...]

Heziketa Bereziko ikasketak egin ondoren ikasi zuen zeinu hizkuntza Ainhoa Moiuak (Beasain, 1982). Mundu horrek liluratu egin zuela dio eta orain bideoklipak ekarritako famak utzi du liluratuta. Zeinu hizkuntzaren bidez zer egin daitekeen erakutsi nahi izan du beasaindar segurartuak, eta Zea Mays taldeari eta dagoeneko bideoa ikusi duten milaka ikusleri eskerrak ematea besterik ez zaiola geratzen dio orain. Zer sentitzen duzu bideoklipa milaka pertsonek ikusi dutela jakitean? Ez nuen uste halako oihartzunik izango zuenik. Azken egunetan hara eta hona nabil, komunikabide batetik bestera, eta sinistea ere kosta egiten da. Nolatan grabatu duzu bideklipa? Betidanik izan naiz Zea Mays taldearen jarraitzaile eta Bonberenean (Tolosa) kontzertua eman behar zutela jakin nuenean taldearen myspacean sartu eta abestia entzun nuen. Kontzertua eman behar zuten egun bera zen eta musika jarri eta etxean irudi batzuk grabatu nituen, bideoklipean ikusten direnen antzekoak. Gauean taldekideengana gerturatu nintzen eta zeinu hizkuntzako itzultzailea nintzela azaldu nien. Etxean grabatu nituen irudiak oparitu nizkien eta handik hiru egunera deitu zidaten bideoklipa grabatuko nuen galdezka. Nola hartu zenuen gonbidapena? Oso ondo eta oso pozik. Zea Maysekoak beti daude ideia berrietara irekita eta mugarik ez zidaten jarri grabatzerakoan. Sentimendu guztiak atera zitzaizkidan eta bikain geratu da. Lan oso ona egin dute irudiekin. Abestian [...]

Azken urteetan hankamotz egon da Goierri Kirol Elkartearen txirrindulari eskola. Orain, bi herrietako hamar gazte arituko dira txirrindu gainean maillot txuri urdinarekin.

Ospitalaren aurrean egin zuten elkarretaratzea Osakidetzak egin dituen murrizketak salatzeko.

Gipuzkoako Batzar Nagusietan bihar, martxoak 25ean egingo duten batzarrean onartuko dute Etxegaraten bidesaria jartzeko foru araua. Datorren urtetik aurrera, 3,5 tona baino gehiako kamioiek bidesaria ordaindu beharko dute. Kamioi bakoitzak Etxegarat...

Haur Liburuaren Nazioarteko Egunaren bezperan jarriko da martxan ekimena ipuin kontaketa batekin. Gainera, programaren barruan liburu azoka eta bestelako ekimenak ere izango dira.

Botikaxahar kultur gunea inauguratu berri dute Elorri eta Iparra-Hegoa elkarteek Seguran. Gune hori Segura Irratiaren azpian dago eta irratiaren jabetzakoa da. Azken urteetan irratiaren parte gisa ezagutu izan bada ere, aurretik beste erabilpen batzuk izan zituen. Egun 75 urte inguru dituzten segurarrek esaterako botika ezagutu zuten leku horretan eta izen hori berreskuratu nahi izan dute Elorriko eta Iparra-Hegoako kideek. Hemendik aurrera antzerkiak, kantaldiak, bertso-saioak… hartuko ditu bere baitan. Elorri eta Iparra-Hegoa elkarteetako kideak aspaldi zeuden jabetuta, Seguran kultur mailako emanaldi txikietarako azpiegiturarik ez zegoela. Gabezia horri konponbidea eman nahian ibili dira azken urteetan, baina ez zuten leku aproposik aurkitzen. Aurten Iparra-Hegoa kultur astearen barruan beste zenbait gauzen artean, antzerkia indartu nahi izan dute, antolatzaileen hitzetan «euskal kulturaren adierazpen aberatsenetakoa izanik, erabat atzendua ikusten baitugu, batez ere, Hego Euskal Herrian». Antzerkia bultzatu ahal izateko azpiegitura egokia behar da ordea, eta Elorriko eta Iparra-Hegoako kideek Segura Irratiaren azpian dagoen aretoa neurtu eta azterketa egin zuten, baldintzak betetzen dituen jakiteko. Areto horretan Gabonetako euskal liburu eta disko azoka antolatzen dute, azken urteetan. Azterketa egin eta gero aretoak beharrezko baldintzak betetzen zituela ikusi zuten, eta Segura Irratiko arduradunekin bilera egin zuten. Ideiaren berri eman eta irratiko ordezkariek begi onez ikusi zutenez, akordioa itxi zuten [...]

Hamaikabat alderdiak egoitza ireki du Beasainen. Alderdiaren zortzigarren egoitza da eta aurrerantzean Andramari kalean egongo da «herritar guztiei irekita». Inaugurazio ekitaldian parte hartu dute Josi Insausti Beasaingo Udalerako hautagaiak, Iñ...

Zumarraga eta Urretxuko udal euskaltegiak etorkinei zuzendutako doako euskara klaseak emango ditu, gure hizkuntzaren oinarrizko hainbat ezagutza barneratzeko.

Betozu Kluba, Gu ta Gutarrak eta Gospel Apple Trinket taldeak aritu ziren Foxen ostiralean egin zen kanporaketan. Lan bikaina egin...

Cajasol Ciencias Sevilla taldearen aurka jokatuko du Ampo Ordiziak Espainiako Koparen final laurdenetako partida. Espainiarrek Getxo Artea hartu dute mendean asteburuan final zortzineretan. Ampo Ordiziak eta Cajasol Cienciasen arteko norgehiagoka Cartu...

Aurten ere, eguraldia lagun, jendetza bildu du Segurako Lore eta Landareen Azokak. Ageda Zeberio antolatzaileetako batek jakitera eman duenez, lorezainek zein artisauek salmenta onak izan dituzte eta beraz, oso balorazio positiboa egin dute antolatzaileek. Igandean 10:00etan ireki zuten azoka. Ordurako hamahiru lorezainek zituzten txukun-txukun postuak jarrita. Kolore eta forma desberdineko loreak eta landareak ikus zitezkeen bertan: arrosak, krabelinak, kaktusak, bonsaiak, zuhaixkak… Segurako herriguneak lorategi erraldoia ematen zuen eta beraz, aukera paregabea bilakatu zen loreak gustuko dituztenentzat. Azoka ireki eta berehala hasi zen jendea agertzen, baina jende multzorik handiena 11:30ak 13:30ak bitartean bildu zen Seguran. Herriko aparkalekuak gainezka zeuden eta herri sarrera zein Madura aldea ere kotxez beteta ikus zitezkeen. Azokara iritsi bezain pronto, batzuk banan bana postu guztiak ikusi zituzten loreak erosi aurretik, besteak gustuko zerbait ikusi ahala hasi ziren erosketak egiten. Bazkal garairako jende asko zebilen loreak eskuetan zein plastikozko poltsetan zituztela. Txertoak hizpide Txerto desberdinak fruitarboletan lelopean Josu Osak azalpenak eman zituen 10:30etik 14:00etara bitartean. Gaiak erakarrita jende ugari gerturatu zen bera zegoen lekura eta galdera ugari egin zioten jakin-mina asetu zein zalantzak argitu nahaian. Zeberiok azaldu duenez «saio arrakastatsua egiten du urtero, baina aurtengoa ikaragarria izan da eta bera ere oso pozik zegoen». Lore eta landareen postuez [...]