2011/9

Eskarabilla auzoan jaiei hasiera eman diete, gaur

Konbo Soyuz talde goierritarraren kontzertua Hasi dira Eskarabilla auzoko jaiak. 12:00etan bota dute txupina, eta 13:00etan patata tortila lehiaketara aurkeztutako hamalau lagunen tortilak dastatzeari ekin dio epaimahaiak. Paso tabernako Bittor San ...

Goierriko Hitza

Erreka garbitzen, auzolanean

Ormaiztegiko Udalak egindako deialdiari erantzunez, 30 bat lagun elkartu dira gaur goizean, herriko plazan. Izan ere, Erreka Eguna antolatu dute gaurko, eta haur eta helduak, auzolanean errekak garbitzeko prest agertu dira. Badira urte batzuk Ormaizteg...

Goierriko Hitza

Euskal artisten Triangelu erakusketa ikusgai jarriko dute Barrenan

Euskal Herriko hiru zonaldetako artistak elkartuta osatu dute Triangelu erakusketa. Goierriko, Donostialdeko eta Ipar Euskal Herriko zortzi artistaren lanak bildu dituzte bertan, eta astelehenetik aurrera ikusgai izango dira, Barrena Kultur Etxean. Jav...

Goierriko Hitza

Ordiziako Mendizaleak Udalaitzera eta Tellamendira doaz

Aurreko astean bideak garbitzeko egindako irteera bereziaren ondoren, asteburuan Udalaitz eta Tellamendi gainetara joango dira Ordiziako Mendizaleak. Igande goizean elkartuko dira, 7:30ean, elkartearen egoitza aurrean.

Ordiziako Hitza

Ordizian 1981. urtean jaiotakoek bazkaria egingo dute

Ordizian 1981. urtean jaiotakoek kinto-bazkaria egingo dute azaroaren 19an, Tximista jatetxean. Parte hartu nahi dutenek, 40 euro sartu behar dituzte, urriaren 31rako, 2101 0019 51 0012075370 kontu zenbakian, bakoitzaren izen-abizenak zehaztuta. Harrem...

Ordiziako Hitza

Ampo Ordiziak etxean hasiko du liga igandean, Vigoren aurka

Taldea sendotu eta fitxaketa berriekin indartu dute. Hilabete izan dute aurre denboraldia prestatu eta datorrenari neurria hartzeko. Asmo handiak dituzte denboraldi honetarako, eta aurreneko lehiatik, hutsik egin gabe aritu beharko dute, iazko denboraldiko emaitzak errepikatu edo hobetu nahi badituzte. Atzera kontua bukatu da, eta igandean hasiko da Ohorezko Mailako liga txapelketa Ampo Ordiziarentzat. Liga estreinatzeko baldintzak ere ez dira txarrak. Ordiziarrek etxean jokatuko dute, eta aurkaria ere, ez da ligako oilarretako bat. Pasa den denboraldian igoera lortu zuen Iveco Universidade de Vigo taldea izango dute parean. Maila gorenean jokatzen duten aurreneko urtea da; horretan zerikusi handia izan dute David Monreal eta Norman Maxwell entrenatzaileek. Jokalaririk gehienak ere ezagunak dira, eta Australiako eta Espainiako selekzioetan aritu den Carlos Blanco da erreferentzia nagusia. Vigokoak ordea indartsu datoz aurten, eta horren erakusle da pasa den asteburuan La Vilaren kontra jokatu zuten aurreratutako partida. Alacantekoek garaipena lortu zuten, baina uste zutena baina gehiago sufritu behar izan zuten. Axio Araña entrenatzailearen ustez ere, «ez da partida erraza izango». Denboraldi hasieran, «talde guztiak zerotik hasten gara, denok daukagu gauzak ondo egiteko gogoa eta ilusioa, eta galiziarrak aurten igo direla ikusita, beste inork baino ilusio gehiago izango dute». La Vilakoek sufritu behar izan zutela ikusita, «hankak lurrean» [...]

Arkaitz Apalategi

Lazkao San Migel aurrea girotzen hasiko da asteburu honetan

Lazkaoko jai herrikoia irailaren 29an ospatuko da: San Migel eguna. Geratzen diren bi asteotarako, hala ere, ekitaldi ugari antolatu dituzte udalak eta herriko eragileek. Bi asteburuak bete-beterik daude. Bihar, Gaztelekuak 2011-2012 kurtsoa hasiko du, bestetik, eta egitarau berezia dute irekitze festarako. Mihiluze programaren antzeko jokoak egin ahalko dira, bihar. Igandean askaria egingo dute. Aurrerantzean larunbat-igandeetan 16:00etatik 20:00etara egongo da zabalik Gaztelekua. Lazkaon sustrai sakonak dituen Esparru mendiko festa, bestetik, etzi izango da, igandearekin. 09:00etan abiatuko dira herritarak plazatik, oinez. Behin tontorrean, 12:00etan ikurrinari omenaldia egingo diote, eta 12:30ean «ume, gazte eta helduentzat» jolasak, Gazte Asanbladak antolatuta. Mendian bazkaltzeko asmoa dute, 14:30ean. Euria balitz plazan burutuko lukete otordua. Erromeria girotzeko, bihar arratsean girotxoa jarriko dute, plazan, 19:00etan. Buruhandiak eta txistulariak irtengo dira. Mugikortasunaren astea Astebukaeretako festa-osagaien zubi izateko, astelehenetik ostiralera ere izango da egitekorik: Mugikortasun Astea antolatu du udalak. Egunero 16:30etik 18:30era plazan garatuko dituzte ekimenak; kirola sustatu, eta bizikletaren edo irristailuen erabilera indartuko dute, jolasen bidez. Osteguna, adibidez, «autorik gabeko eguna» izango da. Hurrengo asteburua ere —irailak 24-25— apartekoa dator. Hilaren 24an, larunbata, sagardo dastaketa izango da, plazan; eta gauerako musika kontzertuak. Biharamunean Josetxo Imazen omenezko krosak hartuko du arreta, goizean; arratsaldean Gipuzkoako Bertsolari Txapelketako saioa jokatuko da, Arerian. Bestetik, [...]

Aimar Maiz

Ziklomotoreen azterketa teknikoa egiteko txandak ematen ari dira, urrirako

Ziklomotoreari eta 125 zentimetro kuboko motorrari azterketa teknikoa egiteko txandak ematen ari dira, Lazkaoko Udaltzaingoak jakinarazi duenez. Ikuskapenak urriaren 4,5, 11 eta 13an egingo zaizkie, Beasainen. Txanda hartzeko telefonoz hots egin behar ...

Aimar Maiz

Teknologia berriak euskaraz erabiltzeko ikastaroa antolatu dute

Teknologia berriak euskaraz erabiltzeko beste ikastaro bat antolatu du Ordiziako Udaleko euskara zerbitzuak, EBPNren barruan. Ikastaro horren helburu nagusia, «herritarren artean euskara lantzeko zabalkundea» egitea da. Zabalkunde hori, herritar guzt...

Ordiziako Hitza

Ruben Lanzen garaipena eta errekor berria Urnietako Herri Biran

aiurri.com• Herenegun eguerdian egin da Urnietako Herri Biraren XV. edizioa. 9,5kilometroko ibilbidean 113 parte hartzaile izan dira; horietatik 111 iritsi dira helmugara. Ruben Lanz legazpiarra izan da garailea eta errokor berria jarri du 28:47ko de...

Legazpiko Hitza

Helduen eskolan matrikula egiteko epea ireki dute

Helduen eskolan matrikula egiteko aukera ireki dute Urretxun, Zumarragan eta Legazpin. Irakurtzen eta idazten ikasteko, DBHko titulua lortzeko eta ingelesa eta euskara ikasteko aukerak ematen dituzte. Baita unibertsitateko eta goi mailako moduloak egit...

Legazpiko Hitza

Isabara irteera antolatu du Izadi-Zaleak elkarteak

Izadi-Zaleak mendi elkarteak deituta urriaren 8an eta 9an irteera egingo dute Legazpin. Isabako eta Zurizako inguruetara joango dira. Izena eman nahi duenak mendi elkartetik igaro beharko du astearteetan edo ostegunetan 19:00etatik 20:00etara. Irailare...

Legazpiko Hitza

Sarean duzue Otamotzen 170. alea

Santa Anastasia jaiei eskainitako aldizkaria da honokoa, hori dela eta, ohi baino lehenxeago iritsiko da zuen etxeetara.

Otamotz.com Urretxu-Zumarraga
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa