
Ordiziako Jakintza eta Urdaneta ikastetxeetako ikasleek 60 zuhaitz landatu dituzte gaur, Oreja parkean. Denera, bi ikastetxeetako 112 umek parte hartu dute Zuhaitz Egunean eta ezpelak landatu dituzte, udal lorazainen laguntzarekin. Aurrena, Jakintza ikastolako LH 6ko ikasleen txanda izan da. 11:30ean berriz, Urdanetakoak hasi dira lanean (irudian).

Urretxuko Krak tabernatik Xabier Zalduak apirilaren 3an Donezteben duen apustura joateko autobusa jarri dute. Autobusa eta Etxalarren bazkaria biltzen ditu 35 euroko prezioak (haurrek 20). Martxoaren 23ra arte eman daiteke izena.

Urtebete igaro da azken edukiontzia Beninera (Afrika) bidali zutenetik. Orduan ere 23 tona material besterik ezin izan zituzten bidali, eta orain ere hala izango da. «Ez bidaltzeko gehiago ez dugulako, bidaltzen uzten ez digutelako baizik», diote Herriak Elkarlanean gobernuz kanpoko erakundeko eta Donostiako Elizbarrutiko Misio Ordezkaritzako kideek. Bihar bidaliko dute Beninera Gipuzkoa osan bildutako materialarekin betetako edukiontzia. Hilabeteak daramatzate han eta hemen, Gipuzkoa osoan zehar, materiala biltzen. Biltegietan gorde dute jasotako guztia eta edukiontzian zer sartu eta zer ez erabakitzen aritu dira. Produktuen izenekin osatutako zerrenda luze bat dute eskuartean bi erakundeetako ordezkariek: arropa, teilatuak egiteko zink zakuak, lurra lantzeko makinak, botikak, elikagaiak, margo poteak, ilar haziak, garbiketa produktuak, jostailuak, eskola materiala… Boluntarioek emandako produktuak dira guztiak. «Azken urteetan sortutako lankidetza harremanaren emaitza dira gauza horiek guztiak. Jendeak badaki zer egiten dugun eta erabili daitezkeen gauzak zaborretara bota ordez, guri ematea erabakitzen dute», azaldu du Leire Atxegak, Misio Ordezkaritzakoak. Hiru kasu nabarmendu dituzte, baina gehiago ere badaude. Lazkaoko San Benito ikastolakoa da bat: «Ikasgeletako arbelak aldatu egin behar zituztela eta deitu ziguten, ea nahi genituen. Ahalik eta azkarren furgoneta hartu eta han geunden arbelak jasotzeko». Montte enpresarekin ere antzekoa gertatu zaie. Bulegoetako mahaiak aldatu egin dituzte eta gehiago erabili [...]

Bihar arratsaldean jokatuko da Arrano Kultur Elkarteak antolatutako mus txapelketa. Elkarteak antolatzen duen 21. txapelketa izango da aurtengoa eta, beti bezala, San Martin plaza azpian jokatuko da. 16:30ean hasiko da txapelketa eta bikoteek ordu b...

Rodrigo Cortesek zuzentzen duen film honek, hilkutxa batean bizirik lurperatzen duten gazte baten istorioa kontatzen du. Lan bikaina Butak 21eko kideek...

Herriko bertsolari txapelketa aurrera doa; asteburu honetan bi kanporaketa jokatuko dira, Aldirin lehena gaur gauen eta Ezkio-Itsason, Igartubeitin bigarrena, bihar arratsaldean.

Bihar, martxoak 11 Ekaitz Goikoetxea beasaindarrak eta Burlatako Askatasuna Institutuko Leire Alonso, Saioa Gonzalo, Ilargi Perez, Maite Arizaleta, Maddi Gartzia eta Unai Casado bere ikasleek azken asteotan ikasgelan ondutako Lo aurreko hitzak olerk...

Altzagako herrigunean dagoen Olagi jatetxe-sagardotegiaren alboan nekazalturismo berria egin dute, eta gaur aurkeztu dute nagusiek eta eskualdeko nahiz herriko agintariek. Olagi nekazalturismoak lau logela ditu –bat elbarrientzat egokitua–, bi ohekoak eta bainugela banakoak bakoitza. Sarreran egongela du, beheko su, mahai eta sukaldearekin. Sotoan sagardotegiaren instalazioak hazi dituzte, botilatzeko tresneria ipinita. Turismoaren arloan nekazalturismoak eta gastronomia lotura estutzen ari direla adierazi du Goiturreko zuzendari Niko Osinaldek. Goierri behean 16 nekazalturismotatik 12k eskaintzen dute gaur egun jateko zerbitzua, izan jatetxe, sagardotegi edo etxean prestatutako bestelako jakiekin.

Gaur bertan irekiko dute Geltoki intermodalaren azpian egindako aparkalekua. Inauguarzio ekitaldia bihar izango da 12:00etan.

Oiangu Parkea Bizirik Natur Elkarteak urteko batzarra egingo du etzi, hilak 11, Barrena kultur etxean, 19:00etan. Oianguren parkearen egoeraz, etorkizunaz eta udalak elkarteari eskatutako epaitegi gastuei buruz ariko dira. Urteko ekintzak, balantze eko...

Beasaingo eta Zumarragako osasun zentroetan greba egiten ari dira EAG Etengabeko Atentzio Gunetako langileak. Zerbitzuetan hainbat murrizketa egin ditu Osakidetzak, asteburuetan pediatria zerbitzua kenduz eta haurren arreta Etengabeko Atentzio Guneetako medikuen esku utziz. Larrialdi zerbitzuetako langile kopurua ere murriztu egin dute eta egungo langile kopuruarekin ez dela behar bezalako arretarik eskaintzen salatu dute langileek. Erabaki guztiak “inposizioa” izan direlako erabaki dute greba egitea: “Osakidetzak ez du negoziatzen, inposatu egiten du eta langileekin eta gaixoekin kontsultatu gabe ezarri ditu neurriak”. Erabakiaren ondorioz EAGtako langileen lan egoerak txarrera egiten du Beasaingo anbulategiko langileen arabera. Egun, 17:00etatik 08:00etara eskaintzen dute larrialdi zerbitzua bi anbulategietan. Osakidetzak hartutako erabakiaren ordea, 24 orduko zaintzak egin beharko dituzte asteburuetan eta jai egunetan. Pediatra falta arazo larria da “Legazpiko larrialdi zerbitzuak kentzean, eta Ordizian, Lazkaon eta Urretxun zerbitzuak gutxitzean, larrialdi denak Beasainen eta Zumarragan pilatzen dira, eta orain gainera langile murrizketarekin arazoa areagotu egiten da”. Beasaingo anbulategiko langileek ordea, pediatria saileko arazoa nabarmendu dute. Pediatra bakoitzak 900 haur ikuskatzen ditu orain eta aurrerantzean mila izatea nahi du Osakidetzak. “Erabaki horrek aurrera egiten badu, Etengabeko Atentzio Guneetako langileon egoera oraindik okerragoa izango da. Haurrak guk hartatu beharko ditugu eta gu ez gara espezialistak». Aste honetan egin duten moduan, bi [...]

Imuntzo eta Beloki trikitilari bikoteak Gezurra ez da egia diskoa egin du. Aurkezpen orokorra bihar, osteguna, 11:00etan egingo dute Elkarren Donostiako aretoan. Datorren astean Zaldibian –bertakoa da Eleuterio Jauregi Beloki– zuzenean entzuteko au...

Altzagan Olagi landa-etxea bihar, osteguna, inauguratuko dute, 11:00etan. Goiturreko bazkide egin da nekazalturismoa, eta lehengo sagardotegiaren ondoan ireki dute ostatu zerbitzua emateko establezimendua. Inaugurazio ekitaldian Goierriko udaletako, al...

Bihar, martxoaren 10ean energia garbiari buruzko batzarra egingo dute udaletxean arratsaldeko zazpietan. Bertan Edurne Albizu Zegamako alkateak, Carlos Ormazabal Garapen Iraunkorreko diputatuak eta Aitor Orena Zerga eta Finantza Politikako zuzendar...

Hirurogei-bat lagunen aurrean atera zen igandean Lehengo Aztiri liburua kulturgintzaren plazara eta auzotarren eskura. Jose Luis Ugarte eta Aitor Azpiazu ikertzaileek landu eta Legazpiko Burdinola elkarteak argitaratu du ia 300 orrialdeko lana. Aztiriarrek irrikaz itxaroten zuten liburua igande eguerdian eskuratu ahal izan zuten Aztiri-Bat elkartean. Langintza oparoa eta luzea izan du argitara irten aurretik. Ugartek gogoratu du Burdinola elkartearen arreta guneetako bat Aztiria izan dela betidanik. «Legazpi inguruko auzoei buruzko lanak egiten hasi ginen duela hainbat urte, Brinkola, Telleriarte… Eta orain Aztirikoa iritsi da», esan zuen Ugartek. Liburuaren atzean denbora askoko dedikazioa dago; «hasieran ez genuen pentsatzen hainbesterako lana egiterik, baina jakingai asko atera da». Artxiboetan araka aritzeaz gain etxez etxe ibili dira. Berrikuntza ugari aurkeztu ditu Lehengo Aztiri liburuak Aztiriaren eta bere eremuaren gainean. Batetik, sorburuaren hipotesia; bi mila urte atzerago hastapena nolakoa izan zitekeen adierazten duten hariak lotu dituzte; Aztiri izenaren -iri osagaia, herrixka harresitu edo gotortua adieraz lezakeena; burdingintzaren garrantzia –zepadiak, peabideak, haizeolak, meategiak, karobiak eta harrobiak–, edo pasabide funtzioa bete duen lepoa izatea. Done Jakue bidea handik zihoan aztarnak ere atera dituzte, ermitaren gurpena Santa Marinari izatea tartean. Ermita zaharraren kokapen zehatza finkatzerik ez dute lortu, baina gaur egun Santamarina piñurie deitzen den basoan zegoela ziurtatu [...]

Ataun San Martinen dagoen errotako ubidea 1589an egina dela adierazten duen harria azaleratu dute. Hareharrizko pieza laukizuzen batean (zabalean 40 bat zentimetro, altuan 20 ba), Errota Zar errotara zihoan ubidea noizkoa den adierazten duen glifo grabatua (harrian inskripzioa) da San Martingo plaza berritzeko obretan aurkitu dutena. XVI. mendean datatutako inskripzioa du, harrian zizelkatua. Elizaren albotik igarotzen zen ubidean aurkitu dute langileek. Presatik Errota Zar etxeraino zihoan aldaparoa lurrez eta hondakinez beteta zegoen, eta husten ari zirela egin zuten topo duela 422 urte jarritako harriarekin. San Martin eliza ondoko plaza berrian eraiki duten iturriaren alboan jarri dute glifoa. Errota Zar elikatzen zuen ubide-aldaparo sistema nondik nora zihoan bereizteko harlauzekin desberdindu dute zorua, baita ere. Inskripzioak honako testua dauka: Ese hovra se izo en el año de MDLXXXIX seiendo incado rregidores. [Obra hori 1589 urtean egin zen agintariek kokatuz]. Jatorriz pieza bat baino gehiago izango zirela uste dute aditu batzuek, testuak segimena izan dezakeelako.

Azken 22 urteetan 1.488 pertsonatan murriztu da Legazpiko biztanleria. Udalaren webgunean dauden datuei erreparatuz gero, 1989 urtean 10.172 biztanle zituen Legazpik. 2010 urtean aldiz, 8.684 pertsonek osatzen dute Legazpiko gizartea. Hauetatik 4.457 g...