
Ordiziako merkatari eta ostalariak biltzen dituen Ordizian elkarteak eta Ordiziako Udalak sinatutako hitzarmen eta merkataritza planaren baitan adostutako konpromisoak badu beste berritasun bat: www.ordizian.com, Ordizian elkartearen webgunea. Gaur egungo garai eta beharretara egokitzeko urrats modura aurkeztu dute webgunea, eta helburu nagusia elkarteko bazkideen eta bezeroen arteko komunikazioa ahalbidetzea eta erraztea da. D’elikatuz zentroko aretoa baliatu dute Ordizian elkarteko kideek webgunea plazaratzeko. Elkarteko bazkide Ana Hidalgok egin zituen bozeramaile lanak, eta haren ondoan ziren Iñaki Donabera elkarteko lehendakariordea, Edurne Rubio elkarteko bokala eta Josune Insausti Ordizian elkarteko idazkaria. Promozio bereziak sarean Webgunearen itxura oso argia eta grafikoa da, eta begi-kolpean ikus daitezke gunearen atal guztiak. Saltokien kale-planoa, Ordizian txartelaren eskaera egiteko aukera duen atal berezia, azken berrien eta promozioen atala, merkatari eta ostalarien informazioa jasotzen duena, eta bideo eta argazkiak biltzen dituen multimedia atala dira nabarmenenak. Ordiziako ACV Multimendia enpresak garatu du webgunea. “Webguneak eskaintzen dituen aukerak asko dira, eta ziur gaude bisitari, bezero eta merkatarientzat baliagarria izango direla”, adierazi du Hidalgok. Bezero eta merkatariei gunea bisitatzeko deia egiteaz gain, Hidalgok nabarmendu “promozio bereziak” eskainiko dituztela gunea bisitatzen dutenen artean. Aurrera begira atal gehiago sortzeko asmoa ere badute Ordizianekoek. Bazkideentzako oharra Dendan edo tabernan oraindik ordenagailurik ez duten bazkideei ere zuzendu [...]

Beasaingo Udalak, CAF enpresak eta Elkar argitaletxeak antolatuta, idazle berriei zuzendutako Igartza literatura-sorkuntza bekara lanak aurkezteko epea ireki dute. Ekainaren 30era arte aurkeztu ahalko dira lanak. Beka jasotzen duenak 6.000 euroko dirulaguntza izango du literatura-sorkuntza proiektua egiteko. Lehiaketa deialdira narratibako lanak egiteko proiektuak aurkeztu daitezke, eleberriak edo ipuin-bildumak izan daitezkeenak. Jatorrizkoak eta euskaraz sortuak izan behar dira, beren zatiren bat edo osotasuna inon argitaratu gabea dutenak, sarituak izan ez direnak eta beste inondik moldatugabeak. Deialdia irekia da, baina idazle berriei zuzendutakoa dela kontuan hartuta, bi baldintza bete beharko dituzte lehiakideek: Lana entregatzean 35 urte bete gabe izatea eta aurretik lan argitaraturik izatekotan, helduentzako narratiban liburu bat baino gehiago ez izatea. Bi baldintza horien muga, proiektuak jasotzeko unekoa izango da, hau da, 2011ko ekainaren 30a. Sari hau behin irabazi duen idazlea ezingo da berriz aurkeztu. Lanaren lagina aurkeztu beharko da Parte hartzaile bakoitzak landu nahi duen kontakizunaren azalpena aurkeztu beharko du. Gehienez ere 2 eta 4 orri bitartean izan beharko ditu tea argumentua, egitura, luzeera, estiloa… zehaztu beharko ditu bertan. Proiektuaren 15 eta 20 orrialde bitarteko lagina ere aurkeztu beharko du eta, gutunazal itxi batean, egilearen izen-abizenak, helbidea, posta elektronikoaren helbidea, telefono zenbakia eta nortasun-agiriaren fotokopia. Gutunazalaren kanpoaldean idazlanaren izenburua zehaztu [...]

Goierri osoko ikasleek parte hartuko dute igandean Beasainen egingo den ibilaldi neurtuan. Eskola kiroleko arduradunek eta Aizkorri Mendizale Elkarteak antolatu du aurten, eta Zumarraga, Urretxu eta Legazpiko ikasleek eta gurasoek ere parte hartuko du...

Ordiziako Gaztetxearen 25. urteurreneko ekitaldien harira, Bertsotxotx ekimena egingo dute etzi Ordizian. Zalbide (Abaltzisketa), Aulia (Legorreta), Urbitarte (Ataun), Begiristain (Ikaztegieta), Otatza (Zerain) eta Isastegi (Aldaba, Tolosa) sagardotegi...

Martxoaren 8an Emakumeen Nazioarteko Eguna zela eta bertso afaria antolatu du herritar talde batek 0a kultur elkartearen laguntzarekin larunbaterako (martxoak 12) Oiharte sagardotegian. Bertsotan Alaia Martin eta Amaia Agirre arituko dira.

Segurako Iparra-Hegoa ekimenak eta Zeraingo 0a kultur elkarteak antolatuta, larunbatean, martxoaren 12an, 19:30ean Iduzkilore antzerki taldearen Lapurdi 1609-2009 Gertakizun lazgarrien oroimenez akelarreei eta inkisizioari buruzko antzerkia ikusi ah...

Txalo antzerki taldeak emanaldia egingo du bihar, ostirala, Lazkaoko Areria antzokian 18:30ean. Haurrentzat zuzendutako Ipuin baten gerizpean lana taularatuko dute. Sarrera doan da, baina toki mugatua dagoenez txartelak aurrez hartu behar dira udaletxe...

Legazpi Zine Klubak bi emanaldi egingo ditu asteburu honetan. Lehena etzi egingo dute. Nothing Personal, Urszula Antoniak zuzendari poloniarraren filma proiektatuko dute, 22:15ean Latxartegi aretoan. Filmak neska gazte holandar baten eta gizon heldu ir...

Artista zumarragarrak tekaz egindako eskulturak eta paper gainean margotutako lanak jarri ditu ikusgai.

Legazpiko Udalak 1936ko Gerra Zibilean faxisten aurka hildako herritarrak omenduko ditu. Legazpin 59 pertsona hil ziren faxisten aurkako, edo hauek behartutako borrokan. Memoria hori berreskuratzeko asmoz, hainbat ekintza programatu dituzte datozen egunetarako, tartean liburu aurkezpen bat, edota Legazpin frontea egon zen lekurako ibilaldi bat. Sotero Plazaola alkateak eta Mikel Altzelai kultur zinegotziak atzo egin zuten egitarauaren aurkezpenean azaldu zutenez, aurten 75 urte betetzen dira Gerra Zibilak eztanda egin eta Francoren aldeko tropek Goierri hartu zutenetik. Udal ordezkarien hitzetan, gertaera hark «sakon aldatu zuen» Legazpiren errealitatea. «Honezkero gure artean gutxi izango dira urte haiek zuzenean bizi izan zituztenak, baina seguru gaude ez dutela gure herriaren etorkizuna su eta gar markatu zuen esperientzia ikaragarri hura ahaztu». Datuekin indartu zuten adierazpen hau: 59 izan ziren hildako legazpiarrak; 300 herritarrek egin zuten herritik alde; 250 espetxeratuak, lan batailoietara zigortuak edo erbesteratuak izan ziren… «eta kontuan izan gerra hasi zenean Legazpik ez zituela 2.500 biztanle baino gehiago». Gertaera hauek gogoratzearen garrantzia ere azpimarratu zuten atzko agerraldian. «Faxisten erasoaren eta garaipenaren ondoren, errepresio sistema frankistak isilarazi egin zuen gertatu zen guztia eta drama hura ezkutatuta geratzea bermatu zuen. Urte askoan, gerra galdu zutenek, galtzeaz gain ezin izan zuten euren hildako seme-alabak, anai-arrebak, gurasoak, senitartekoak eta lagunak [...]

Hitzaldiak, emanaldiak eta antzerkia izango dira besteak beste, Eraldatzen eta Mairi elkarteetako kideek antolatuta.

Andramendi Ikastolan eta Alkartasuna Lizeoan gaur ospatu dituzte inauteriak. Euskal inauteriak irudikatu dituzte Andramendin eta ikastola aurrean hainbat dantza ere egin dituzte gurasoen aurrean ikasleek eta irakasleek. Alkartasuna Lizeoan berriz, dene...

Paperezko 500 zorro eta zakuen oihalarekin egindako 200 poltsa banatu dituzte gaur Beasaingo asteroko azokan. Aurrerantzean baserritarrek paperezko zorroak erabili ahalko dituzte produktuak sartzeko eta erosleek azokaren ikur bihurtu nahi duen poltsan...

Bihar, martxoak 9, Iñaki Murua bertsolaria izango da zuzenean Bixi-Bixi irratsaioan 12:15etik aurrera. Bertsolaritzarekin lotutako hainbat kontu izango ditu hizpide. Lierni Elorza esatariak eta saioaren gidariak jakitera eman duenez, Imanol Haro ...

Red Electrica Española enpresak Bizkaiko Gueñes herritik Ezkio-Itsasora goi tentsioko linea bat jartzeko baimena eskatu du. Enpresako ordezkarien arabera «hil ala bizikoa» da ahalmen handiko linea bat ipintzea, AHTren energia beharrei erantzuteko. Espainiako Aldizkari Ofizialak dagoeneko argitaratu du REEren baimen eskaria eta zabalik dago alegazioak aurkezteko epea. Goi tentsioko linea horrek guztira 72 kilometro pasatxo eta 400.000 watt garraiatzeko ahalmena edukiko ditu. Goierrin barrena Bizkaiko Gueñes herrian hasiko du ibilbidea tentsio altuko lineak. Gipuzkoa aldera egin aurretik, Bizkaiko 17 herri eta Arabako Okondo zeharkatuko dituzte tentsio handiko kableek, dorre altuen bidez. Gipuzkoara Elgetako lurretan barrena sartuko da linea eta Bergaratik pasatu ondoren, Goierriko zenbait herri zeharkatuko ditu: Legazpi, Zumarraga eta Gabiria. Ezkio-Itsason bukatuko du bidea azpiegitura horrek. REEk 37 milioi euroko inbertsioa egin nahi du linea hori eraikitzeko. Prozesua hasi eta urte bat igaro aurretik eduki nahi dute esku artean ingurumen baimena. Lanak 2013an hasiko dituztela aurreikusten dute. Bi urteren buruan kableak 72.427 metroan zabalduta izatea da REE enpresaren nahia. Aurreikuspen horiek betetzen badira, goi tentsioko linea martxan izango da AHTa martxan jarri aurretik. Hau da, 2016aren aurretik. Hainbat talde eta alderdi politikok kezkatuta hartu dute albistea eta plan hori bertan behera utz dezaten lanean hasi dira. Florent Marcellesi Berdeetako [...]

zingizango.com • Datorren igandean, hilaren 13an, ANDRAITZ Saskibaloi Eskolak entrenamendu irekia egingo du, Bikuña kiroldegian, goizeko 11:00etan. 1999-2001 urte bitartean jaiotako neska-mutikoei egin die deia. Mezua ahalik eta gehien zabaltzeko e...