ETBko Finlandia saioak, Ordizia eta Beasaingo gazteen arteko desapiyua antolatu du. Grabazioa bihar izango da, 16:00etan, Ordiziako plaza nagusian. Aurrena trailerra eta aurkezpena grabatuko dituzte, eta proba 17:50ean hasiko da. Hamabosna laguneko bi ...
›Lazkaoko hainbat tasa ordaintzeko diru laguntza eskaintza egin du Udalak. Etxebizitzako uraren, estolderia zerbitzuaren, azpiegituren finantzaketaren nahiz zaborraren 2010eko tasak ordaindu ezin dituzten familientzat dira laguntzak, udaleko Gizarte ...
Olaberriko Udaleko Jai Batzordeak aurtengo San Joan festak prestatzeko prozedura abian jarri du. Egitaraua prestatzeko bilera jarri du biharko, osteguna, 18:00etan udaletxean. Herriko elkarteko guztiei egin die udalak gonbita festei buruzko bileran par...
Gipuzkoako Herriarteko pilota txapelketan final-laurdenetara igaro da Ataun, esku huskako sailean. Kanporaketa ezohikoa izan da, ordea, eta kirol irizpideek beharrean burokrazia kontuek erabaki dute. Ataunen aurkari Azpeitia lehiaketatik kanporatu du G...
Astebete falta da Azentzio jaiak has daitezen. Gaur zortzi, asteazken arratserako iragarri dute aurtengo festa nagusien hasiera. Lau egunez etenik gabe jarraituko dute ondoren, ekainaren lehenean hasi eta hilaren 5era arte, igandea. Azentzio eguna, zaindariaren data, osteguna da. Azentzio bezperari itxaron gabe, eta tartean dagoen asteburua aprobetxatzeko, ekitaldi sorta bat antolatu dute Udaleko Kultura Batzordeak, Ugarotarrak guraso elkarteak, Elekun Abesbatzak eta Bilkoin elkarteak. Musika eta txirrindularitza izango dira osagai, baita haurrentzako jolasak ere. Musika eskolako ikasleek eta Elekun abesbatzak jarriko dute musika, haurrek ostiralean eta koruak larunbatean. Horren guztiaren aurretik, ordea, festak behar bezala prestatuta uzteko, danborradan irtengo direnek entsegu orokorra egingo dute. Bihar, osteguna, 20:30ean elkartuko dira herriko plazan. Txarangak lagunduko die danbor jotzaileei. Orain arteko egin dituzten entseguetan izan direnen artean danborrak ere bihar banatuko dituzte. Azentzio egunean, ekainaren 2an, egingo dute helduen danborrada Legorretako kaleetan barrena, 23:00etan hasita. Larunbatean, txirrindu proba Goizeko hamarretan hasiko da, larunbat honetan, Legorretako 55. Txirrindulari Proba. Jubenil mailakoentzat da, 87 kilometroko ibilbidearekin. Abaltzisketa bi alditan igoko dute, Amezketa aldetik; azkeneko 22 kilometroetan sartuta, Gaintzako aldapa dute hirugarren eta azken zailtasuna, Zaldibiako bidegurutzetik gora. Ordiziatik Alegiarako errepidean (Gi-2131) eta Larraizko bueltan osatuko dute ibilbidea. Txirrindulariak helmugara 12:10 alderako iritsiko dira. JAIEN EGITARAU OSOA: [...]
Ekainaren 5ean Xabier Ortiz de Luzuriaga BTT trabesia egingo dute Legazpin. Zazpigarren urtea da Hegialdeko festen egitarauak omenaldi izaerako proba herrikoi hau jasotzen duena. Aitor Uribeetxeberria antolatzaileen artean dago. Ortiz de Luzuriagaren lagun talde batekin batera egiten du lan proba aurrera atera dadin. Omenduak bizikletekiko zuen zaletasunari heldu zioten lagunek duela zazpi urte proba hau antolatzen hasteko, izan ere, Ortiz de Luzuriaga Euskal Herriko txapeldun ere izan zen mendi bizikletarekin. Ez zen auzokoa, baina auzotarrek mimoz prestatzen dute trabesia eta proba behar duen guztiaz hornitzen dute. 37 kilometroko bidea izango da. 8:00etatik 9:00etara irekiko dute izena emateko aukera eta atzetik irteera emango diote probari. Aurretik, hala ere, omenaldi xume bat egingo diote Ortiz de Luzuriagari, aurreskuarekin eta bertsoekin. Bere argazkia eta Euskal Herriko txapeldun mailota irteera lekuan izango dira. Panoramika ederrak Parte hartzaile bakoitzak 10 euro ordaindu beharko ditu. Probaren elastiko bat jasoko du trukean, eta bidearen amaieran mangerak eta dutxak ere izango dituzte aukeran. Jatekoa eta edatekoa ere jarriko dute helmugan. Uribeetxeberriak probak gogortasun punttu bat baduela aitortzen du, baina dioenez, horrek ez ditu bizikleta zaleak beldurtu behar. «Probaren bi-hiru lekutan herrira itzultzeko bidegurutzeak daude, eta ondo seinalizatuko ditugu, nahi duenak ibilbidea moztu dezan eta bueltan etor dadin». Adin [...]
Kantujirako kideek bihar egingo dute maiatzeko saioa. Azken hilabeteetan bezala, azken ostiraletan egiten duten saio bera egingo dute bihar ere, 19:00etan hasita. Kikara taberna parean hasiko dira kantuan, eta herri-erdigunera arte joango dira abestuz....
Hainbat urtez antolatu du BKL Beasaingo Kirolaren Lagunak elkarteak garagardo festa Beasainen. Iaz ez zuten antolatu, baina aurten herritarrek eta goierritarrek faltan bota duten festa antolatu dute berriz, Nazioen Mundua ekimeneko kideekin batera. Bihar hasiko da garagardo festa Loinazko San Martin plaza azpian, eta igandera arte luzatuko da. Antolatzaileek jakitera eman dutenez, 30 garagardo mota ezberdin probatu ahalko dira asteburuan. «Herrialde ezberdinetako betiko garagardoak izango dira, baita Galizia eta Euskal Herriko garagardoa ere», zehaztu du BKL-ko Iban Condek. Erresuma Batua, Alemania, Belgika, Herbehereak eta Txekiako garagardoa ekarriko dute festara. Alkoholik gabeko garagardoa eta alkohol tasa baxukoa ere egongo dira. Jatekorik ere ez da faltako, eta halakoetan ohikoak izaten diren menuak jarriko dituzte azokan afaldu nahi dutenen eskura. Festa 18:00etan hasiko da egunero, eta bihar eta igandean 00:00etan utziko diote zerbitzatzeari. Ostiralean eta larunbatean ordubete gehiago arituko dira, 01:00ak arte. Festak izango du garrantzia Condek zehaztu duenez, ekintza eta ekitaldi berezirik antolatzeko asmorik ez dute garagardo festarako: «Asteburuan zehar herriko beste talde batzuek antolatutako ekintzak daude, eta horiei itzalik ez egiteko ez dugu kontzerturik edo ekitaldirik antolatu, batak beste jan ez dezan». Legazpiko batukadaren saioak bakarrik erakarri ahalko du garagardozaleen arreta. Larunbat arratsaldean egingo dute saioa musikariek. Kalerik-kale herrian zehar itzulia [...]
Kimetz elkarteak deituta, ehunka lagun bildu dira iluntzean Ordiziako plaza nagusian, igandean herrian izandako sexu erasoa salatzeko. Kimetz elkarteko emakumeek Bortxaketa gehiagorik ez! zioen pankarta atera dute. Haien atzean, herritar asko bildu dira, tartean, baita hainbat alderdi politikotako ordezkariak ere; izan ere, udaleko alderdiek eta Bilduk aho batez babestu dute gaurko deialdia. Kimetz elkartetik azaldu dutenez, «emakumeen aurkako indarkeria giza eskubideen urraketa onartezina da». Baina ez hori bakarrik, «ziur aski, emakumeok bizitzaren hainbat esparrutan dugun diskriminazioaren adierazpen larriena» ere badela uste dute. Hala, emakumeen kontrako indarkeria eta bazterkeria «egiturazkoak eta dimentsio anitzekoak» direla diote, eta horrekin bukatzeko, erakundeen eta herritarren inplikazioa eskatu dute. «Ezinbestekoa da erakunde publikoek zein gizarteak, bere osotasunean, gaiarekiko konpromiso garbia hartzea».
Idiazabalgo musika eskolak abian du aurrematrikulazio kanpaina, eta beraz, bertan izena eman nahi duenak udaletxera joan behar du maiatzaren 30era bitartean. Haurrak zein helduak apuntatu daitezke
Joan den igandean ziren egitekoak, kultur aldiaren barruan, Txindata musika eskolako haurren emanaldia, baina Gabiriako udaletxetik jakitera eman dutenez, datorren larunbatera (maiatzak 28) atzeratzeko erabakia hartu zuten. Musika eskolako ikasleen ...
Gabiriako gaztetxoek, bertako Udalarekin elkarlanean, liburu azoka antolatu dute hiru egunetarako. Bi egunetan jada ireki zuten azoka, eta igandean berriz ere aukera emango diete herritarrei liburutegian zahartuta geratu den materiala erosteko. Ater...
Beasaingo Bilduko ordezkariek, agerraldia egin dute gaur, herritarrek beraiengan izan duten konfidantza eskertzeko. Bertan adierazi dute dagoeneko hasi direla Beasaingo Udalean ordezkaritza duten beste alderdiekin harremanetan jartzen, maiatzaren 22ko hauteskundeetan botoen gehiengoa lortu arren, gobernua osatzeko aukera ezberdinak aztertzen ari baitira. “Alderdi guztien parte hartzea” lortzen saiatuko direla gaineratu dute, “beti horren aldekoak izan garelako eta gure bokazioari eutsi nahi diogulako lehen unetik”, zehaztu du Koldo Agirrek, Beasaingo Biduko zerrendaburuak. Ospakizunak atzean utzita, “pozez, ilusioz eta arduraz” lanean dihardutela ere gaineratu du Agirrek. Eskerrak beasaindarrei Udaletxe aurrean egin duten agerraldian, herritarrek koalizioa osatzen dutenengan jarri duten konfidantza eskertu nahi izan dute ezer baino lehen: “Poza eta ardura izan ziren emaitzak jakin orduko izan genituen sentimenduak, eta hala adierazi nahi dugu herritarren aurrean, apaltasunez, baina gogo biziz, arduraz baina guztion parte hartzearekin asmatuko dugunaren konfidantzarekin”. Bilduk udal hauteskundeetan jasotako boto kopuruak (%31,4) “herrian independentzia zaleon hautua berretsi” dela ere esan dute, eta “Euskal Herrian irekitzen ari den aro berriari auspoa eman dion ilusio olatua” beraiengana ere iritsi dela azpimarratu dute. Hauteskundeetako emaitzek, “argazki anitza” sortu dutela irizten dute koalizioko kideek, “baina baita argia ere”. Horregatik, Beasainen politika egiteko moduetan “aldaketak sortzeko unea” iritsi dela esan dute agerraldian: “Hamarkadetan egin direnak ordezkatzeko [...]
Beasain Institutuko Txindoki Egoitzako batxilergoko ikasleek, 8. Buero Sariaren fase automatikoa irabazi dute. Federico Garcia Lorcaren Bodas de Sangre lana antzerkirako moldatu ondoren, ikasturte guztian zehar entseguak egiten aritu dira, eta apirilar...
CAF garbitzen duten 1NE azpikontratako langileak protesta egiten ari dira. Langile bat «arrazoirik gabe» kaleratu dutela esan dute garbitzaileek, eta «lan egutegia ere aldatu digute, nahiz eta lanean bestelako aldaketarik ez eman». 1NE enpresak gar...
Ordiziako Korrika Batzordeak esker ona agertu nahi izan die ordiziarrei, emandako babesa ikusita. 26 kilometro saldu ziren, eta Korrika laguntzaileak, material salmenta etab. gehituta, 17.869 euro biltzea lortu dute. Hala, aurtengo edizioa «arrakastat...
Hiru solairuko eraikin berrian kanpo kontsultak zabalduko dituzte, eta lau erditze gela jarriko dituzte.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
