2011/5

Herrian sortuak, eta herriarentzat lanean

Seguran lau alderdi edo talde politikok aurkeztu dituzte zerrendak, baina horietatik bi dira herritarrek osatuak: Bildu eta Segura Lantzen. Bi horiez gain, PSE-EEk eta PPk ere aurkeztu dituzte hautagaitzak. Bilduren iritziz, Udala, herritarrek herria eraikitzeko tresna da. Eta horregatik «nahitaezkoa» iruditzen zaio etengabe herritarrak informatzea, batzorde ahalik eta parte-hartzaileenak osatzea eta erabakietan parte-hartzeko aukera sortzea. Ekonomiak herriaren garapenerako bitarteko izan behar du Bilduren ustez. Horregatik, elikagai soberania indartzeko politika aktiboak bultzatuko ditu eta komertzio txikiaren defentsa egingo du. Osasun arloan, osasun asistentziaz gain, heziketa eta prebentzioa bermatzea «ezinbestekotzat» du. Laguntza sozialak «egoki» banatzeko, herritarren egoera sozio-ekonomikoa aztertuko duela esan du, eta zaborrei dagokionean berriz, hondakin gutxien sortzen duen kudeaketa eredua bultzatuko duela. Bilduren ustez, etxebizitza ondare sozial bilakatu behar da. Hori dela eta, etxe hutsak balioan jarriko ditu, alokairu merkeak bultzatuko ditu, eta babes ofizialeko etxibizitzak egitea adostuko du. Gazteriari dagokionean, gazteria eta Udalaren arteko komunikazioa landu eta bermatu egin behar dela dio. Bilduk aipatu du, Euskarak ofiziala izan behar duela Euskal Herri osoan, eta bide horretan euskalduntze taldeak bultzatuko ditu, eta erabilpena bultzatuko du esparru guztietan. Gizarte bazterkeriari berriz, aurre hartu behar zaio Bilduren ustez. Horretarako, etxez-etxeko zerbitzua mantentzea eta hobetzea, zaharren egoitzaren hobekuntza bilatzea eta eguneko zentroa errealitate [...]

Goierriko Hitza

Aukera zabala herritarrentzat

Zegaman bederatzi zinegotzi aukeratuko dituzte herritarrek maiatzaren 22an (horietatik bat alkate izendatuko dute gero). Bost taldek aurkeztu dituzte zerrendak, baina hiru dira herritarrek osatutakoak: Aralar, Bildu eta Zegama Lantzen. Aralarren nahia «benetako» parte-hartzea bultzatzea da, erabaki esparruak herritarrei zabalduz, plenoak ordutegi egokian eginez eta aurrekontu parte-hartzaileak bultzatuz. Gazteek Zegamako Udaleko politikan parte aktibo izan behar dutela ere uste du. Hirigintza pertsonen zerbitzura jarri behar dela eta, eraikitako etxeen gehiengoa babes ofizialekoa izan behar dela dio Aralarrek. Bestalde, gazteen emantzipazioa errazteko alokairu soziala bultzatu nahi du etxe hutsen «zentsu efektibo bat» eginez, eta etxebizitza bihur daitezkeen lokalen inguruko araudia malgutuz. Aitor Zabaleta buru duen alderdiak uste du krisiari ezkerreko irtenbidea ematea ezinbestekoa dela. «Langabeziak gehien erasan dituen adin tarteetan eraginez zein lagunduz, eta gure herriaren desberdintasunak ahalik eta gehien murrizten dituen ereduaren alde apustu eginez». Herriaren behar eta nahi kulturalak antzeman eta horiek asetzea bilatuko duen plan bat abian jarri nahi du, eta inguruko herrien elkar lana eta auzolana bultzatzea ere lehentasunen artean ditu Aralarrek. Bildu Bilduren ustez «herritarrek zuzenean parte hartuko duten Udala behar du Zegamak», eta horregatik Udalaren kudeaketa orokorrean aldaketak egin behar dira. Azpiegiturak plangintza orokor baten arabera eraikitzea planteatzen du Bilduk, «benetan zer behar den bizilagunekin aztertuz, [...]

Goierriko Hitza

Euskarazko hedabideekin mahai bat osatuko dute EAEko instituzioek

Eusko Jaurlaritza eta Araba, Bizkaia eta Gipuzkoako foru aldundiak prest agertu dira euskarazko hedabide ez publikoen sektorearekiko harremanetan sakontzeko eta euskarazko komunikabideek...

Otamotz.com Urretxu-Zumarraga

Herrikoek herritarrentzat

Idiazabalen hamaika zinegotzi aukeratuko dituzte herritarrek maiatzaren 22an; horietatik bat alkate izendatuko dute gero. Lau taldek aurkeztu dituzte zerrendak, baina bi dira herritarrek osatutakoak: Bildu eta Izal Bai. Bilduk parte-hartzea sustatuko duen Udala proposatzen du, «irekia, gardena, gertukoa». Hirigintza alorrean, 1987ko Arau Subsidiarioak daude indarrean, eta arau berriak behin betiko bukatu behar dira Bilduren ustez. Etxebizitzaren gaian, etxe hutsen erabilpenari eman nahi dio lehentasuna Bildu koalizioak. Etxebizitza tasatuak ez ezik, alokairuzkoak eraikitzea ere aztertu nahi du. Bilduren ustez gizarte zerbitzuak ezezagunak dira askorentzat, eta horiek ezagutzera eman behar dira. Etorkinen integraziorako harrera plana sortu behar da, eta generoen arteko desberdintasunari «modu integralean» erantzun behar zaio. Lehen sektoreari «besteei bezalako garrantzia» eman behar zaio. Bilduren iritziz, Idiazabalek garapen handia izan du azken urteetan, baina lotarako herria bihurtu ez dadin bizitza sozialaren eta komertzialaren aldeko apustua egin behar da. Bestalde, langabeziaren eta murrizketa sozialen aurrean «Udalak jarrera aktibo batekin erantzun behar du». Bilduk pentsatzen du gazteria Idiazabalen oraina eta etorkizuna dela. «Horregatik, egun bizi duen egoeraren aurrean, arlo desberdinak jorratzen dituen gazte politika garatzea ezinbestekoa da». Kulturari dagokionean, Bilduren ustez kultura plan bat definitu behar du Udalak, eragileekin eta kultur taldeekin batera. Euskara ikasi eta erabiltzeko eskubidea bermatu behar dela ere esaten [...]

Goierriko Hitza

Zaldibian bi hautagaitza eratu dituzte herrikoak, Bildu eta Zaldibian Herrigintzan

Zaldibian errotik aldatu da maiatzaren 22ko udal hauteskundeetarako perspektiba, duela lau urtetik. Ezker abertzaleko Bildu koalizioak «kultura politiko desberdineko jendea» batu du zerrendan. Bestetik, EAJren inguruko Zaldibian Herrigintzan hautesle elkargoa eratu dute herrian. Bederatzi zinegotziko udalbatza osatzeko bi indar horiek izango dira, nahiz PPk eta PSE-EEk ere hautagaitzak aurkeztu dituzten. Bildu Bilduk «herriarekin herriarentzat» lan egiteko «eredu berria» ekarri duela dio programan, «ezkerreko eta abertzale diren indarrak biltzeko helburuarekin». Joxean Etxabe du alkategai. Hirigintzaren alorrean, arau subsidiarioen lanketa aurrera doala eta horiek amaitzeko asmoa agertu du Bilduk. Ibarguren Azpi, Zelaa eta Errementari eremuetan etxeak eraikitzeko bidea jarrita, nahikoa izango dela aurreratu dute. Uraren kudeaketa «ongi aztertu» eta hobekuntzak egiteko garaia da. Obrei «jarraipen zuzena» egiteko konpromisoa agertu du, «Kanpandegi atzeko lurzoruaren egoera kaskarra» errepika ez dadin. Kultur eragileekin elkarlan guneak sortu, haurren kirol eskaintza zabaldu eta filosofia parte-hartzailea indartu, eta kirol azpiegiturak mantentzea izango da lana. Euskaran, Uematik sustatutako ildoa hartuko dute ardatz. Auzolana indartu, merkataritza txikia bultzatu, eta krisi garaian udal langileen zuzeneko kontratazioa lehenetsi du. Bilore lantegian kutsadura ezabatzea da Bilduk programan sartu duen beste gaietako bat. Ingurumenarekiko errespetua eta oreka dira lehen sektorearen eta baserriaren arlorako oinarriak. Zaldibian Herrigintzan: enpresentzat kokalekua behar Zaldibian Herrigintzan hautes elkarteak «esperientzia, [...]

Aimar Maiz

Ataunen bi hautagaitza sortu dituzte herrian, Bildu eta Herrigintza

Goierriko herri ertain gehienetan bezalaxe, Ataunen ere herrian bertan sortutako bi hautagaitzaren artean erabakiko dute ataundarrek hurrengo legealdian udaleko bederatzi zizeiluak nork beteko dituen. Bildu eta Herrigintza hautagaitzak osatu dituzte herrian bertan, nahiz eta han ere PSE-EE eta PP ere azaldu diren. Herrigintza Herrigintzaren zerrendan buru Bittor Oroz doa, azken bi legealdietan alkate izana. EAJren eta Aralarren babesa du. Energia iturri berriztagarrien azpiegiturak eraikitzea izango da hautes elkargoaren helburu handienetakoa; herriko basoetako egurra enplegatuko duen biomasa zentrala errota hidrauliko txikiak dira proiektuaren ardatz, argindarra sortzeko. «30 enplegu eta udalari urteko 500.000 euroko» diru iturria emango diola aurreratu du Herrigintzak. Hirigintzan, arau subsidiarioak berritzea legealdiko lantzat hartu du. Bestetik, herritarren bilgune plazek izan behar dutela, eta berritzeko Aiakoa geratzen denez hari ekiteko asmoa du Herrigintzak. Azpiegituretan, kanpoko igerilekuak bukatzea, San Martinen kultur etxea egokitzea, herriko ur sarea eta argiteria berritzea, San Gregorion aparkalekua edota komunikazioko banda zabala hari bidez dira asmoak. Udal kudeaketan «ahal bada zorrik ez» egitea da helburua aurrerantzean ere. Kontuak «garbi» eta zergak bizimoduaren igoeraren arabera «aldatu» nahi ditu. Basoen kudeaketa iraunkorra bultzatzeko Agauntzan eta Marumendin antolamendu plana berritu, eta Aitzarterako plan teknikoa egiteko asmoa du, besteak beste. Baserri bideen katalogoa eta herri ondarearen inbentarioa ere egin nahi [...]

Aimar Maiz

Secundino Esnaolari buruz arituko da Ansorena ostegunean

Bizitza guztia eskaini zion Esnaolak musikari, Donostiako Orfeoiko zuzendari izan zen urte askotan, eta batez ere horregatik da ezaguna nazioartean.

Otamotz.com Urretxu-Zumarraga

“Udal kudeaketa eredu berria” jarriko du martxan Bildu koalizioak Ordizian

Ordizian “aro berri bat ireki” nahi du Bilduk, eta horretarako tresna nagusia «udal kudeaketa eredu berria» ezartzea izango da. “Udalaren funtzionamendua demokratizatu eta herritarren benetako parte hartzea bultzatu nahi dugu”. Eredu hori abian jartzeko herriko kultur, kirol eta aisia taldeetako pertsonak bildu dituzte «lan talde zabaletan», koalizioak dioenez. Herri programa gaika azalduko dute aste honetan, egunero bilerak eginez. Atzo arratsaldean bertan, kirolari buruz aritu ziren Barrenan, herriko kirol talde eta norbanakoekin. Ostiralean, berriz, ekitaldi politikoa eta festa egingo dituzte Plaza Nagusian, 20:00etan. Kudeaketa eredu berri horretan “gardentasuna” izango du ikur Bilduk, “bai aurrekontuak erabakitzerakoan eta baita kontratazioetan ere”. Zer politikari segi erabakitzerakoan, “ikuspegi integral eta estrategikoa” izango du Bilduk. “Ordiziaren zerbitzurako Ordiziaren garapena bultzatuko dugu”. Udal politikaren ardatzak Lau dira Ordiziako Bilduk udalera eraman nahi dituen printzipio eta konpromiso politikoak: elkarlana, emakumea, euskara eta iraunkortasuna. “Sentsibilitate ezberdinetako gizon eta emakumeok Bildun bat egin dugu, batzen gaituena lehenetsi dugulako. Printzipio politiko garbiek presente egon behar dute udalaren jardunetan”. Elkarlan horren barruan, gazteekin lankidetzan aritzea lehenesten du Bilduk. “Gazteak herritar oso gisa hartu behar ditu udalak”. Bilduren arabera, gazteek edozein herritarren “behar berberak” dituzte, eta behar horiei aurre egiteko “politika espezifikoak” sustatu beharko lituzke udalak. “Udalak gazteekin elkarlanean jardun behar du, beti [...]

Ordiziako Hitza

Sandra Sanchezek eta Aitor Rondak jasoko dituzte apirileko zozketako orgak

Legazpi Oinez kanpainaren barruan apirileko zozketako saridunak Sandra Sanchez eta Aitor Ronda izan dira. Kanpaina honen helburua Legazpin erosketak oinez egitea bultzatzea da, autoa albo batera utzita. Erabili eta itzultzeko orgak hartzeko aukera emat...

Legazpiko Hitza

Ataun eta Olaberria gaur, eta Ordizia bihar hasiko dira Herriarteko pilota txapelketan lehian

Gipuzkoako Herriarteko Pilota Txapelketan lehian hasteko falta diren Goierriko hiru herriek asteburuan dituzte joaneko partidak. Eskuz, Ataunek gaur 19:00etan jokatuko du, Azpeitiaren aurka, Ataungo Auzoeta kiroldegian. Palan, Olaberriak Errenterian du...

Aimar Maiz

Gabiriako 65 erretiratuk ospatu dute beren eguna, bi omendurekin

Gabiriako kultura egitarauaren barruan, igandean ospatu zuten herriko erretiratuek beren eguna. 65 bat lagun elkartu ziren udalak antolatutako ekitaldietan. Meza entzun, Goruntz taldearen dantza saioa ikusi eta taldeko argazkia atera zuten gero eskolak...

Goierri Mendebaldeko Hitza

Danborradako entseguak hurrengo bi larunbatetan dira Legorretan

Legorretako Azentzio jaietako helduen danborradan parte hartu nahi dutenek bi entsegu dituzte hurrengo asteotan. Etzi eta hilaren 21ean, larunbatak biak, Harripila kiroldegian egingo dituzte prestaketa saioak.

Aimar Maiz

Julene Hidalgo (EB-Berdeak): «Herritarrak erabaki guneetan egotea bultzatuko dugu»

Herritarrei bihotzarekin bozkatzeko eta politikariei gogor lan egiteko eskatu die Julene Hidalgok (Itsasondo, 1971). Bost urte daramatza Beasaingo udalean zinegotzi Hidalgok, Ezker Batua-Berdeak alderdiko ordezkari modura. Zergatik aurkeztuko zara aurten hautagai gisa? Orain arte egindako lanari jarraipena emateko. Uste dut orain arte egin duguna oso lan ona izan dela, eta herritarren alde lan egiten jarraitu nahi dut. Zein helburu ditu Ezker Batuak maiatzeko hauteskundeetarako? Herri bakoitzak bere helburuak ditu, baina Ezker Batuak konpromiso sozialaren alde lan egiten jarraituko du herri guztietan. Batez ere emakumeetan eta gazteetan oinarrituz, bi talde horiek direlako behar gehienak dituztenak. Sozialki baztertutakoei ere lagunduko diegu, elbarriei, hirugarren adinekoei, immigranteei… Talde horiei guztiei zuzenduta ezkerreko politika soziala bultzatuko dugu. Bestalde ez dugu ahaztu behar gu Berdeak ere bagarela, eta herrien eta naturaren artean oreka lortzeko ere lan egingo dugu, garapen iraunkorreko azpiegiturak bultzatuz. Eta Beasainerako? Udala herritarrengana gerturatzen jarraituko dugu. Trafikoaren eta aparkalekuen arazoari aurre egiten saiatuko gara, geltokitik Bernedoeneako aparkalekura pasabide bat eginez. Herritarrek egindako eskaera da, eta gure lana herritarren beharrei erantzutea da. Ongizate alorrean ere badago zer egina, batez ere hirugarren adinekoei dagokionean. Gazteak ere oso kontuan izango ditugu. Etxebizitzen alorrean dagoen arazoa konpontzeko, zer proposatzen duzue? Hutsik dauden etxebizitzak identifikatu eta alokairuak bultzatu. [...]

Eskeine Legorburu

Dantzari Txiki eguna ospatuko du Irrintzik igandean

Sei dantza taldek parte hartuko dute, Zumarragako kaleetan egingo dute dantza, baita Eitzagan ere.

Otamotz.com Urretxu-Zumarraga

Ur Apalategi izango da larunbatean ‘Itaka’ saioan

Ur Apalategi idazlea izango da larunbatean, maiatzaren 14an,  Segura Irratiko Itaka saioan. Fikzioaren izterrak bere azken liburuaz hitz egingo du. Bere literatur ibilia eta lortu duen Beterriko Liburua Saria ere izango dituzte hizpide. Horretaz gain,...

Goierriko Hitza

Julene Hidalgo Ezker Batuko Beasaingo alkategaiak, bere alderdiak eskualderako dituen asmoak azaldu ditu

Julene Hidalgo Ezker Batuko Beasaingo zerrendaburuak bere alderdiak Goierrirako dituen asmoak azaldu ditu. Gai sozialei, politikoei, ingurugiro arazoei, kulturari buruz… hitz egin du, eta bihar, GOIERRIKO HITZA-ren papereko edizioan, hautagaiari...

Eskeine Legorburu

Neskatxena txapelketa egingo dute igandean Legazpin

Igande goizean Euskal Herriko Neskatxena txapelketako saioa egingo dute Legazpin. Euskal Herria plazan jarriko dute oholtza eta 11:00etan hasiko dituzte dantzak. Sustraiak dantza taldeak sustatu du saioa.

Goierriko Hitza

Marrazki txapelketa egingo dute zapatu goizean

Zapatu goizean VIII. Herri Mailako Marrazki txapelketa egingo dute Legazpin. Arkatza elkarteak antolatu du eta 9:30ean hasiko da, kultur etxean. Oinarriak:: 1. LAU MAILA BEREIZIKO DIRA: A/ Lehen Hezkuntzako 1. eta 2. maila. B/ Lehen Hezkuntzako 3. eta 4. maila. D/ Lehen Hezkuntzako 5. eta 6. maila. E/ Bigarren Hezkuntzako 1. eta 2. maila. 2. GAIA: A eta B mailakoak: irudimenezko gai libre bati buruz egingo dute marrazkia. Gainerakoei gaia ezarri egingo zaie lehiaketa hasteko unean. 3. ERABIL DAITEZKEEN BALIABIDEAK Lapitza, lapitz margoak edo arkatz ziriak erabili ahal izango dira. Partaideek ekarri beharko dituzte lanerako tresnak. Orriak eta azpiko euskarriak antolatzaileak banatuko dituzte lehiaketa hasi aurretik. Debekatuta dago erregela erabiltzea. 4. EPAIMAHAIA Elkarte antolatzaileak izendaturiko partaideek osatuko dute. 5. SARIAK Hiruna sari sorta banatuko dira. Sari banaketa maiatzaren 17an, 19:00etan egingo da Kultur Etxeko Areto Nagusian. Irabazleen lanak ikusgai egongo dira maiatzaren 20erarte kultur etxean. 6. LEKUA, EGUNA ETA ORDUA Lehiaketa maiatzaren 14an izango da eta goizeko 9:30ean hasiko da kultur etxean. Parte hartzaileek lanak egun bereko 12:30ak baino lehen aurkeztu beharko dituzte kultur etxean. 7. OHARRAK Epaimahaiaren erabakiak eztabaidaezinak izango dira eta oinarri hauen osagarri gisa sortu daitezkeen beste puntu guztiei buruzko erabakia antolatzaileen eskuetan geratzen da. Partehartzaileek derrigor [...]

Goierriko Hitza
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa