
Eguna igandean bada ere (maiatzak 15), Gaintzan bezperan ospatuko dute San Isidro nekazarien festa. Iluntze parterako egitaraua prestatu du Udalak. 20:00etan meza izango da, eta ondoren herri afaria Oteñe erretegian. Afal ondorena Zeberio eta Mañukor...

Ekainaren hasieran ospatuko diren Azentzio jaietan danborrada egingo dute Legorretan. Adinez 13 urtetik gorakoentzat da. Aurreko astean izan zen lehenbiziko entsegua, eta hurrengo bien datak jakinarazi ditu Udalak. Maiatzaren 14an eta 21ean, larunbatak...

Uztailaren 5etik 15era bitartean gauzatuko dira, eta 4 eta 12 urte arteko haurrei zuzenduta daude.

Irailera arte luzatuko da aurten ere Motorraren Astea; Zumarraga Hiria karts lehiaketa, auto klasikoen erakusketa eta Antioko Rallya izango...

Orain bai. Lazkaoko festa aldia bukatu da, udaberriari dagokionez behintzat. Sanprointzioen ondoren, Lazkaomendiko festek osatu dute jendearen atsegina. Larunbatean, eta batez ere igandean –egin zuen eguraldi eguzkitsuarekin– festaleku handi izan z...

Izal Bai hautesle elkartearen zerrendaburua Ioritz Imaz da, egungo alkatea. Imazekin batera honako hauek osatzen dute zerrenda: Kepa Oiarbidek, Montse Delgadok, Erkuden Muruak, Xabier Ariztimuñok, Izaskun Cuadradok, Rufino Intsaustik, Mari Carmen G...

Datorren larunbatean, maiatzaren 14an, Arriarango lehen BTT trabesia egingo da. Guztira 27 kilometroko ibilbidea prestatu dute antolatzaileek, Arriarango urtegiaren inguruan. Arriarango frontoitik irten eta Agortara arte joan beharko dute parte hartzaileek, handik San Gregorio ermitara eta Mandubiako gainera. Ezkio-Itsasoko lurretan sartu eta Kizkitzara igo beharko dute ondoren parte hartzaileek. Gora egindako guztia egin beharko dute behera ondoren, Arrirango pilotalekura arte, bertan probari amaiera emateko. Ibilbideak 1.000 metroko desnibela du eta hainbat anoa postu egongo dira ibilbideko gune ezberdinetan. Antolatzaileek argitu dutenez, proba ez da lehiaketa izango, izera herrikoia duen proba izango baita. Proban parte hartzeko aurrez izena eman behar da Loinatz Txirrindulari Elkartearen webgunean. Osteguna izango da izena emateko azken eguna, eta 200 parte hartzailerentzako lekua egongo da. Federatuta dauden txirrindulariek sei euro ordaindu beharko dute proban parte hartzeko, eta federatuta ez daudenek 15 euro. Azken txirrindulari hauei probarako segurua egingo diete antolatzaileek. Proba egunean izena emateko aukera ere egongo da, baina larunbatean izena ematen dutenek, federatuek zein ez federatuek, 20 euro ordaindu beharko dituzte. Haurrentzako proba ere bai Arriarango lehen BTT trabesian parte hartuko duten txirrindulariek 16:00etan ekingo diote pedalak eragiteari. Helduak irten bezain laister, haurrentzako probak ere egingo dituzte. Bederatzi eta hamar urteko haurrek kilometro bateko ibilbideari itzuli [...]

Aralar alderdiak gaur eguerdian Zaldibiako Zugasti ganadu haztegian egin duen agerraldian lehen sektorearen egoera “nahiko larria” dela ohartarazi du, eta datorren legealdian gaia politikagintzaren “lehen mailan” jarriko duela agindu du. Patxi Aierbe Koli Oria barrutiko zerrendaburuak egindako adierazpenetan, gogoratu du bukatzear den legealdian nekazaritzari buruzko ponentzia abian jarri dutela Batzar Nagusietan. “Ondorioak atera dira, eta etorkizuneko nekazaritzaren bide-orria da hori. Gai bakoitza aurrera eramaten saiatu behar dugu”. Aierberen hitzetan, nekazaritza sektoreko “belaunaldi errelebo falta” gainditzeko gazteei eman behar zaie pasoa, “laguntza ekonomikoak eta teknikoak emanda”. Nekazaritza ereduak, berriz, Gipuzkoan kalitatea, produktua eta merkaturatzea izan behar ditu ardatz, “intentsiboak ez daukalako arrakastarik”. Lehenbizi nekazaritzarako “zein eredu nahi dugun” definitu behar da. Horretarako sektoreko eragile guztien parte-hartzea “lehentasuna” da. “Sindikatu, eragile, baserritar eta artzain guztiekin hitz egin eta haien hitza jaso behar da, eta instituzioek eskutik joan beharra daukate eragileekin”. Gaur egun Gipuzkoan nekazaritzaren egoera zein den islatzen duen datu bat eman du Aierbek. Herrialdean 12.000 baserri baldin badaude, “esne ekoizpenera 300 besterik ez” dira dedikatzen. “Baserri gutxi geratzen dira. Bere funtzioa betetzen jarrai dezaten laguntza eman beharra dago”. Baserriaren funtzio gisa “kalitatezko produktuak eta ingurumena zaintzea” aipatu ditu. Aierberekin batera, Zaldibian izan dira Batzar Nagusietarako Aralarren buru Rebeka Ubera, eta Donostialdeko, [...]

Gipuzkoako Herriarteko Txapelketaren Kutxa Sariko ikuskizuna asteburuan hasi zen pilotalekuetan. Esku huskako sailean final hamaseirenetako joaneko jardunaldia jokatuz ekin diote hamabi herritako hiruna pilotari bikotek lehiari. Final zortzirenetan, hurrengo koskan, beste hamar herri sartuko dira. Taldeak osatzeko orokorrean nahiko lan izan da. Goierriko lau herrik parte hartuko dute Herriartekoan: Ataun eta Zaldibia eskuz, eta Olaberria eta Ordizia palan. Oraingoz jokoan sartu den eskualdeko ordezkari bakarra Zaldibia da. Azkoitiaren aurka jokatu zuen ostiralean Zaldibiako Resti pilotalekuan, berrehun-bat ikusleren aurrean. Ia hamar urte baziren Herriartekoan parte hartu gabe, eta taldea osatzea lortu izanarekin aurtengo helburua bete dute. «Ilusioz geunden berriz ateratzeko, eta oinarria jarri dugu bertako gazteekin», dio Aratz Mendizabal prestatzaile eta pilotari profesionalak. Zozketan «zorte handirik ez» du izan Zaldibiak, txapelketan historikoetakoa den Azkoitia egokitu baitzaio, nahiz eta garai batetik maila apalagoan ibili. Gainera, Zaldibiako jubenil batek hankan min hartu zuen aurrez, eta beheko mailetakoak igota osatu behar izan ditu Mendizabalek hiru bikoteak. Kadeteetan Aimar Garmendiak (infantila) eta Aitor Elizegik jokatu zuten; jubeniletan Eneko Nazabalek eta Aritz Oriak (kadetea), eta helduetan Harri Zumaldek eta Alex Sukiak. «Kadeteetan eta helduetan erraz galdu genuen, baina jubeniletan irabazi, eta horrek poztu gaitu. Gainera, bai kadeteak eta bai jubenilak lehen urtekoak dira, eta datorren urtean [...]

Ordiziako Goierriko Baratza dendak jaki begetarianoak prestatzeko tailerra antolatu du hilaren 14rako, larunbata. Tofua eta seitana, enpanada begetalak eta gazta-ogia egiten erakutsiko dute, besteak beste. Edonork parte har dezake, baina aurrez izena ...

Pagoetako herri antzokia zegoen lekuan kokatu dute, eta 379 ikasle ingururi zerbitzua emateko gaitasuna izango du.

Ekain Mendizabal preso politiko ordiziarraren eta beste bi lagunen kontrako epaiketa atzo hasi zen, Parisen. Hori dela eta, gaur elkarretaratzea egingo dute Ordiziako plaza nagusian. 20:00etan bilduko dira, Prozesu demokratikoaren alde, euskal presoak ...

Maiatzean zehar, Bide-Berdeak dituzten Europako leku desberdinetan hainbat ospakizun egingo dute. Larunbat honetan, mutiloarren eta ormaiztegiarren txanda izango da, Mutiloa-Ormaiztegi Bide Berdearen Eguna ospatuko baitute. Iñaki Ugalde eta Jon Intxausti Mutiloako eta Ormaiztegiko alkateek bertan parte hartzera animatu nahi dituzte goierritar guztiak. Arratsaldean, 15:30ean emango diote hasiera egitarauari, Ormaiztegiko Zumalakarregi museoan. Bertan aurrez izena eman duten parte hartzaileei txartel bana banatuko diete. Zenbakidun txartel bat, eta berau eskuetan dutela Bide Berdean zehar abiatuko dira. Ormaiztegi-Mutiloa-Ormaiztegi ibilbidea osatu beharko dute, guztira 9 kilometro: 4,5 kilometro joaten eta beste 4,5 Ormaiztegira itzultzen. Askaria erdibidean Ibilbidearen erdialdean, Barnaolan aurrez izena eman dutenei ogitartekoak, sagardoa eta ura emango dizkiete, doan. Horretarako hasieran eskuratutako txartela erakutsi beharko diete antolatzaileei. Ibilbidea bukatzen duten parte hartzaile guztiei diploma edo ziurtagiria emango diete. 19:30ean berriz, Goierriko jatetxe batean bi lagunentzako bi otorduren eta hiru ipuin bildumen zozketa egingo dute izena eman duten guztien artean, Zumalakarregi museoan. Ekitaldiari 20:00etan emango diote bukaera. Lurdes Azpiazu museoaren koordinatzaileak jakitera eman duenez «ibilbidea laua da, zailtasunik gabea, gurasoek seme-alabekin egiteko modukoa. Eta lasai lasai osatu ahal izango da». Izena emateko interesatuek Zumalakarregi museoko telefono zenbakira deitu dezakete: 943 88 99 00ra, edota bestela, mzumalakarregi@gipuzkoa.net-era idatzi dezakete. Jardunaldiak ekainean Niko Osinalde Goiturreko ordezkariak [...]

Beasain Institutuko arte batxilergoko ikasleek egindako lanekin osatutako erakusketa inauguratuko dute ostegun arratsaldean Usurbe antzokiko erakusketa aretoan. Ikasleek adierazi dutenez, “lehen eskutik eta zuzenean, arte plastikoen alorrean lan...

Ortzadar argazkilari elkarteak ekimen ugari antolatu ditu datozen egunetarako. Batetik, larunbatean, Euskal Herriko Argazkilari Taldeen Elkarteak batzarra egingo du Barrena jauregian. Egun eta toki berean, Argizaiola sarien jaialdia egingo dute. Hori d...

Orain minutu gutxi istripua gertatu da Igartza Oleta kalean, eta emakume bat zauritu da. Herritar batek jakitera eman duenez, Igartza-Oleta, Florentzio Axpe eta Peategi kaleek bat egiten duten bidegurutzean gertatu da istripua. Antza, gidari batek, ze...

Itsasondoko Urkia auzoan eta Olaberrian Gurutze Deunaren edo Santakutzen festa eguna dute gaur. Urkian 11:00etan meza, ondoren hamaiketakoa, 14:30ean bazkaria eta 19:00etan Olarte Anaiak trikitilari taldea daude egitarauan. Larunbat arratsean eta igandean egun osoan ere festa egin zuten Urkian. Olaberrian, berriz, 16:30etik aurrera izango da jaia. Santakutz ermitara ez dute ohiko prozesiorik egingo, iaz ziklogenesi leherkorrak erabat deuseztuta utzi zuelako. Hara joan ordez, herrigunean antolatu du festa Kuttun guraso elkarteak. Trikitilarien doinupean elizara joango dira, eta han kutunak bedeinkatuko dituzte. Ondoren, azkeneko 12 hilabeteetan jaio diren zortzi ume olaberritarrei emango dizkie kutunak, amesgaizto eta adur txarrei aurre egiteko, sinesmen zaharraren arabera. Kuttun elkarteak seigarren urteurrena beteko du. Sortu zuteneko data gogoratzeko puxikei jare egingo diete airera, Olaberriko herria eta bertako eskola ezagutzeko gonbitarekin mezuak igorriz. Askaria eta jolasak ere izango dira. Azkenean, 18:30 aldera, marrazki lehiaketako sariak banatuko dituzte, udaletxearen alboan.