
Eusko Jaurlaritzak kalitateko turismoa bultzatzeko martxan jarri duen Ekintza onen kanpaina, Goierrira iritsiko da gaur. «Kalitatearen alderik dibertigarriena» erakutsi nahi dute, eta horretarako, umorez betetako kale antzezlan bat prestatu dute. O...

Itsasondon asteburu honetan ospatuko dituzte urteko jai nagusiak. Abuztu erditik irailera aldatu zituztenetik urte batzuk igaro direnean, hiru eguneko egitaraua prestatu du Udalak, herriko elkarte eta eragileen lankidetzarekin. Hala, Guraso Elkarteak, Gazte Asanbladak, Ijitu kirol elkarteak eta makina bat herritarrek, besteak beste, jarri dute aletxoa. Bihar arratsaldean hasita igande iluntzera arte 22 ekitaldi izango dira Itsasondon. Azpiegitura aldetik, lehenbiziko aldiz karpa edo estalpea ipiniko dute plazan. Aurreko urteetakoen antzeko eguraldi euritsurik balitz, babesa izango da hala. Herri bazkaria eta afaria barruan egingo dituzte, baita musika kontzertuak ere, bihar eta etzi gauean. Bi txosna ere jarriko dituzte. Berritasunak egitarauan ere txertatu dituzte. Guraso Elkarteak haur jolasak prestatu ditu estreinakoz. Beste nobedade bat play-back lehiaketa da —larunbatean—, Legorreta auzo-herrian egiten dutenaren arrakastak erakarrita. Igande eguerdiko euskal dantza erakustaldian partaide berriek dantza egingo dute, baita ere. Eskolako haurrekin batera Gazte Asanbladakoak ere animatu dira, sanjoanetan bezala jaietan ere parte hartuko dute, iazko kurtsoan egin zuten ikastaroan ikasitakoa plazaratzeko. Gazteek kontzertuak ere antolatu dituzte: bihar Ingo al deu? eta Egurra ta Kitto; etzi Pikunk eta The Stormy Weather. Ikurrina jartzeko deia Udalak herritarrei dei egin die etxeetako balkoietan eta leihoetan ikurrina jar dezaten. Antolatutako ekitaldietan parte hartzeko gonbita ere zabaldu du. Urteroko osagaiei dagokienez, [...]

Herriko eta kanpoko egileek ekoiztutako lanak ikusteko aukera izango da gaur, zortzi guztira; bi emanaldi izango dira 20:00etan eta 22:00etan.

Ordiziako euskal jaien barruan egin zuten Latxa Ardi Gaztaren lehiaketako enkantea ez zen egunean bertan bukatu; izan ere, aurten aurreneko aldiz on-line saldu dituzte lehiaketan bigarren eta hirugarren saria jaso zuten gaztak. Lezeako gazta erdiaren t...

Larunbatean, irailak 17, Kaleko Pintura Lehiaketa ospatuko da Legazpin. Bederatzigarren urtea da egingo dutena, eta aurtengoan berrikuntzak izango ditu. Epaimahai baten iritziaz gain, herritarrei ere euren ustez koadro onena zein den bozkatzeko aukera ...

Gurutze Deuna edo Santikutz eguna da gaur, irailak 14, Itsasondoko Urkia auzoan. Mendialdeko gaintxo batean dagoen etxe multzoan elkartu dira goizean auzotarrak, bertan bizi direnak eta gaurko jaia galdu nahi ezta hara joandako asko. Meza entzun dute lehenengo, Urkiko elizan. Jarraian Santakutz etxera joan eta hamaiketako oparoa dastatu dute. Gaur egun elkartea dago Santakutz etxean, garai batean apaizetxea zen. Parean taberna ere badago. Gaurko festa eguna egitarauko hirugarrena da, larunbat-igandeetan izan dituztelako ekitaldiak. Bazkaria egingo dute gaur Urkian, eta arratsalderako Elortza eta Larrañaga trikitilariak joango dira, erromeria girotzera. Propio joan beharreko auzoa da Urkia, Itsasondo eta Legorreta lotzen dituen errepidetik gora, Berostegi auzunean ezkerrera hartuta, lau bat kilometroz. Itsasondoko harkaiztiak ederki ikusten dira handik, baita gaur egun eraikitzen ari diren AHTren obrak ere, goitik. Garai batean 20 baserrik osatzen zuten Urkia, eta denetan bizi zen jendea. Orain hiru-bat etxe dira bizileku, azkeneko hamarkadetan Itsasondoko edo Goierriko beste herri batzuetako kalera joan baitira urkiarrak. Santikutz eguna estimatua dute auzotarrek, baita kanpoan bizi direnek ere. Hogeita hamar bat lagun elkartu dira eguerdian, mahaiaren bueltan hitzaspertua egiteko. Garai bateko festa-egunaz ari ziren batzuk. Soinujoleak tabernako balkoitik jotzen zuela aipatu dute. “Plaza jendez beteta egon ohi zen gaurko egunez, burua besterik ez zen ikusten”, [...]

Beasaingo Loinazko San Martin plaza futbol zelai bihurtuko da bihartik igandera arte. Plazapea, berriz, futbolzaleen topaleku. Izan ere, Beasain Kirol Elkarteak Carling Football Fest jaialdia antolatu du datozen lau egunetarako. «Zerbait berezia antolatu eta herria gure taldeetara gerturatzeko» asmoz antoaltu dute jaialdia, Koldo Zaldua Beasain taldeko lehendakariak azaldu duenez. Harrobia eta etorkizuneko futbola gaitzat hartuta, mahai ingurua egingo dute bihar, 19:30ean, Usurbe antzokian. Jokin Aperribai, Miguel Santos, Pello Gibelalde, Gorka Elustondo, Salva Iriarte eta Paco Aiestaran izango dira hizlariak. Futbolaren inguruko festa izanda, partidarik ezin falta. Ostiral arratsaldean hasi eta igandera arte, gaztetxoei zuzendutako 3×3 txapelketa egingo dute. Loinaz plazan Euskal Herrian orain arte inoiz erabili ez diren belar artifizialeko futbol zelai txikiak jarriko dituzte. Sei eta hamahiru urte arteko gaztetxoek jokatu ahalko dituzte partidak. Horretarako beharrezkoa izango da aurrez izena ematea Igartza futbol zelaiko tabernan. Gaur amaituko da izena emateko epea. Zalduak azaldu duenez, «gehienez ere 300 umek parte hartu ahalko du txapelketan, lauko taldetan antolatuta eta arduradun batekin». Ostiralean eta larunbatean jokatuko dituzte partidak, eta puntu gehien duten taldeek finalaurrekoak eta finala jokatuko dituzte igandean. Aurkezpenak etzi izango dira Futbola eta harrobiaren lana herriari ezagutarazteko eta gerturatzeko helburuarekin antolatu du jaialdia Beasain taldeak. Horregatik, Beasain izenarekin jokatzen duten [...]


LAB sindikatutik jakinarazi dutenez, Indarreko zuzendaritzak Eoliko eta Repair sailetatik 140 langile kaleratzeko duen asmoaren aurka, elkarretaratzea egin dute hainbat langilek goizean Ingeteam taldeak Zamudion (Bizkaia) duen bulegoaren parean. Indar enpresa Ingeteam taldeko lantegietako bat da. Indarreko enpresa batzordearen izenean bidali duten oharrean zehazten dutenez, langileak kaleratu aurretik Indar enpresako zuzendaritzak hainbat neurri hartuko zituela agindu zien lagileei apirilean: “eszedentziak, lanaldi murrizketa inzentibatuak, barne antolakuntzan aldaketak…, baina gaur gaurkoz ez du ezer egin”. Gainera, “Indarren eta Ingeteam talde osoaren egungo egoera ekonomikoa aztertuta eta azken urteetan izan dituen irabazi handiak ikusita”, langile batzordeko kideek uste dute ez dagoela zertan lan taldea murriztu. Indar enpresa osatzen duten ataletan, enpresak dituen hazkunderako planak eta Ingeteam taldearen plan estrategikoen nondik norakoak langileei ezkutatzen ari direla ere esan dute langile batzordekoek. Eolikoen sektorean etorkizunera begira produktu eta proiektu berriak lantzen ari omen dira Indar eta Ingeteam, eta beraz, langileen ustez, enpresak ez du eolikoen sektorea noraezean utziko. Hori guztiaz gain, enpresak 195 langileri eragiten dien beste erabaki bat ere hartu du, langile horiei lanpostuak mantendu arren, “murrizketa ekonomiko handiak” egitea erabaki baitu Indarreko zuzendaritzak: “Murrizketak jasango dituzten langileek soldata gordinaren %75 jasoko dute, eta aparteko soldataren %85″. Erabakia bertan behera uzteko eskatu [...]

Igartzako Dantzarien Kofradia osatzeko deia 2007ko ekainean egin zuten Aurtzaka dantza taldekoek. Urte hartako Igartza auzoko jaietan ospatu zuten aurrenekoz Igartzako Dantzarien Eguna. Bihar bosgarren urtea izango da Beasaingo dantzariak elkartu eta monumentu multzoaren inguruan dantza egiten dutena. Loinazko San Martin plazatik 12:00etan abiatuko dira Igartza aldera, eta ordu erdiren bueltan egingo dute dantza monumentu multzoaren inguruan. Igartza multzoa zaharberritzeko lanak egiten ari ziren kofradia sortzea erabaki zutenean, eta Aurtzakakoek, eraikinak zaharberritzeaz gain, eraikinaren inguruan garai bateko dantza edo protokolo bat berreraikitzeko proposamena egin zuten, ondarea eta ingurua aberasteko helburuarekin. Izan ere, Beasaingo dantzariek egindako eskaerei erantzunez, herriko dantzarien eta dantzari ohien bilgune izatea nahi zuten kofradia; Herrian dantzarako zegoen tradizioa indartu eta osatu ere nahi zuten, Igartza multzoari balio erantsia emanez. Helburu horiek lortzeko bidean, Igartzako Dantzarien Eguna Igartzako Monumentu Multzoa bizirik dagoen ondarea izateko lan egin dute bost urte hauetan, herrian sortu berri den gunea dantzarako gune gisa aldarrikatuz. Ezpata dantzaren bidez, zubia, jauregia, errota, burdinola, ermita eta dolarea lotu nahi izan dituzte, txistua, danborra eta musika ere soka gisa erabiliz. Erregearen bisitatik tiraka Udaletxeko artxiboan gordeta dauden paper horituetan aurkitutako informazioan oinarrituta, dantzarientzako arropa bereziak ere prestatu zituzten 2007ko estreineko dantzaldi hartarako. Beasaingo Udaleko 1928ko akta [...]

Iñaki Azurmendi aizkolariak Gipuzkoako Lehen Mailako Aizkora Txapelketako finala jokatuko du igandean Tolosako Bedaio auzoan. Jexuxmari Mujika, Joxemari Olasagasti, Joseba Otaegi eta Ugaitz Mugertza izango ditu aurkari beasaindarrak. Finala 18:00etan hasiko da, eta guztira hamar enbor ebaki beharko ditu aizkolari bakoitzak: 54 ontzako launa enbor, 60 ontzako beste launa, eta 72 ontzako bina. Iaz beasaindarra izan zen Maila Nagusiko Gipuzkoako Txapelketako irabazlea. Dagoeneko hiru aldiz jantzi du txapela arriarandarrak, eta igandean laugarren bila irtengo da plazara.