Albisteak

Ordizian koronabirus kasu bat baieztatu dute, bi egunean Goierrin bigarrena

Covid-19 birusak kutsatutako lagun bat atzeman dute Ordizian, Osakidetzan bart gauerdian zabaldutako datuen arabera.

Ibai Iriarte (EH Bildu), Zerainen: "Gipuzkoan lehenengo indarra izatea Gasteizerako bidean urratsa egitea da"

Eusko Legebiltzarrerako hauteskunde kanpainan, ekitaldia egin du EH Bilduk Zerainen. Gipuzkoako hautagaitzako 6.a, Ibai Iriarte izan da hizlaria. Abstentzio altuko hauteskundeak iguriki ditu, "eta botoa mugitzen dutenek emaitzak onak izango dituzte".

Lazkaon erreka garbitzeko eguna dute gaur gazteek

Goizean hasi eta eguerdira arte, Agauntza ibaira eroritako eta botatako zaborrak jasoko dituzte. Hamarka lagun elkartu dira, urteroko ohituran.

Ikasle goierritarrak prest daude unibertsitatera sartzeko probarako

Selektibitatea astelehenean hasiko da. Ikasle bakoitzak gutxienez bost azterketa egin beharko ditu. Azterketak itxiak izan beharrean konbinazioak egiteko aukera izango dute

K. Garralda Zubimendi
HAUTESKUNDEAK

Lehen itzulian, denak lidertzan

Hauteskunde kanpainaren erdian, alderdiek neurri ezberdinean zabaldu dute mezua Goierrin. EH Bilduk ekitaldi gehien, EAJk pisutsuenekin

Ezpata dantzariek alaitu dute Santa Isabel eguna

Santa Isabel jaiak ospatu ez badira ere zumarragarren egun handian ezpata dantza dantzatu diote Antioko Amari.

Goierri eta Tolosaldearen gida turistiko berria

Bi eskualdeetako –46 herri guztira– produktu turistikoak biltzen ditu gida berrituak, 'Euskadiren bihotza' markapean. 2008. urtean sinatu zuten elkarlanerako hitzarmena berresten du gida honek, turista gehiago erakartzea helburutzat hartuta. 10.000 ale atera dituzte euskaraz eta gazteleraz, eta ingelesezko eta frantsesezko bertsioak ere eskuragarri daude. Bi eskualdeak "elkarlanaren eredu" direla nabarmendu dute.

Ehunmilak lasterketarik egingo ez bada ere, probaren "balioek indarrean" jarraitzen dute

Ehunmilak ultratrail probaren antolakuntzak zabaldutako bideoan, aurten lasterketarik egingo ez bada ere, uztaileko bigarren asteburua berezia izango dela azaldu dute. Herritarrei probarekin identifikatzen duten zerbait hartu eta argazkiak elkarbanatzeko deia egin diete.

Zirkuak eta elurrak magia ekarri dute Urretxura

Asteburu honetan Il Circo Italiano zirkua Urretxuko Irimo lantegiaren atzealdean egon da. Zirkuaren berezko magiaren, elurraren eta paraje bereziaren eskutik, ikusleak fantasiazko mundu batean murgildu dira.

Goierriko Hitza

Kontsumo kontzientzia berria bultzatuko dute Beasainen, Igartza multzoan

Gaur hasi eta hilaren 22ra arte ekintza ezberdinak egingo dituzte

Eskeine Legorburu

«Egun osoan gustukoen dudana egiten ari naiz, kirola egiten alegia»

Tamara Larreak (Lazkao, 1988) enpresaritza ikasketak egin zituen, eta arlo horri lotutako hainbat proiektu eskuartean izan arren, egun, dantza ezberdinak irakasten aritzen da, batez ere. Tartean, azken boladan hain modan jarri den zumba (dantza eta aerobika batzen dituen ariketa) ematen du. Nola iritsi da enpresaritza ikasi duen pertsona bat ogibide horretan lan egitera? Kirola beti gustatu izan zait eta enpresaritza ikasten ari nintzela jada hasi nintzen irakasle gisa lanean, dantza klaseak ematen, eta dagoeneko bost urte daramatzat. Donostiako FEDAn hartu nituen klaseak, baina titulu asko atera ditut ordutik. Gainera, Bartzelonara mundu mailako onenak etorri ohi dira urtero (Barçako fisioterapeuta bat ere egon zen, esaterako) eta berritzen joateko, halako topaguneetara joaten naiz. Irabazitako dirua neure burua berritzeko inbertitzen dut. Etxean ba al dago dantzarako ohiturarik? Handia! Gure familian dantza asko egiten da. Gabon gauean, esaterako, goizeko 06:00ak arte ere egonda gaude dantzan eta karaokean. Txikitatik jaso dut dantzarako zaletasuna. Zein kirol egiten duzu? Asko. Umetan hiperaktibitate puntu bat nuen, eta kirola txiki-txikitatik gustatu izan zait asko. Hala, kirol asko probatu ditut: Lazkaon areto futbol taldea sortu genuen, Ordiziako atletismo taldean ibili nintzen, Ordiziako areto futbol taldean ere ibili nintzen Liga Vascara igo ginenean, Tolosan ohorezko mailan jokatu nuen, EHUkoekin ere bidaia [...]

Goierriko Hitza

Lau urteko udal agintaldiaren balorazioa egin du Segurako EH Bilduk

Datozen asteetan programa eta hautagaien zerrenda osatzeko proposamenak jasoko dituzte herritarrengandik, eta herri batzarra egingo dute otsailaren 21ean

Maialen Igartua

Zirkua, argazkitan

Il Circo Italiano zirkua Urretxura etorri da. Irimo enpresaren atzealdean muntatu dute karpa. Azken funtzioak, gaur 18:45ean, bihar 12:00etan eta etzi 17:00etan izango dira. Horra hor atzo arratsaldeko funtzioko argazkiak.

The post Zirkua, argazkitan appeared first on Otamotz.

Otamotz.com Urretxu-Zumarraga

Beasaingo Alkartasuna Lizeoak 1.782 euro eman dizkio Herriak Elkarlanean erakundeari

Merkatu txikian lortutako dirua da, eta Beninera literak erosteko erabiliko dute

Eskeine Legorburu

«Nire haurrek egokitzeko estrategiak edukitzea nahi nuke, inoren zain egon gabe»

Nerea Martinezek (Ordizia, 1973) ingeleseko espezialitateko magisteritza ikasi zuen eta Amezketan lan egiten du gaur egun. Orain zortzi urte joan zen Itsasondora bizitzera. Bertan jaio ziren 6 urteko bere bi alabak: Malen eta Jone. Itsasondo, haurren herria dela diozue. Hala al da? Bere bizitasunean, toki lasaia da, dena dago eskura eta haurrentzat nahikoa zerbitzu daude: haurtzaindegia, eskola, haur txokoa, liburutegia, parkeak… Horrez gain, orain dela urte bete udaletxean , Haurren Herria foroa sortu zen. Guraso elkarteko ordezkari bezala hasi nintzen bertan parte hartzen. Oso emankorra izan da orain arte egin dugun lana. Zer behar du herri batek haurrentzat egokia izateko? Haurrak ere herriaren parte dira eta, eskatzeaz gain, ekarpenak egiteko aukera ere izan behar dute. Nolako geroa nahi zenuke zure haurrentzat? Edozein egoera suertatzen zaiela ere, egokitzeko estrategiak edukitzea nahi nuke, inoren zain egon gabe. Zaletasun bat? Ez naiz batere originala; txakurrarekin paseatzea. Amets bat? Euskal Herriak bere etorkizuna erabakitzeko aukera izatea. Ahaztuko ez duzun egun bat? 19 urte nituela Dublina au-pair joan nintzen eguna. Zenbat ilusio neramatzan motxilan… Herriko alkate bazina? Ezin dut Itsasondorako daukaguna baino hoberik irudikatu! Itsasondon biziko ez bazina? Kostaldean bizitzea gustatuko litzaidake.

Goierriko Hitza
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa