
Jakintza ikastolako LHko 6. mailako 52 ikasleek eta Urdaneta ikastetxeko maila bereko beste 62 ikaslek 60 ezpel landare (Buxus semprevirens) landatuko dituzte bihar Oreja parkean. Binaka landatuko dituzte, udal lorazainen laguntzarekin. Jakintzakoak 10...

Hirigintza lanak hasi ditu Lazkaoko Udalak Elosegi kalean, Antsoategi taberna ondotik Beneditarren komentu pareraino espaloia eta bizikletarien bidea eraikitzeko proiektua garatzeko. Errepidea estutu egingo dute, eta inprimatutako hormigoi koskaduna jarriko dute bide-zoruan. Etxe multzoaren albotik bost metroko espaloia izango da behin obrak bukatutakoan. Atzo hasi ziren langileak eginkizunean, eta errepidea herenegun eguerdian itxi zuten. Lau hilabeterako moztuta egongo da, norantza batean. Orain kotxearekin Beasain aldetik bakarrik sar daiteke Lazkaoko herrigunera; irteteko, berriz, saihesbideko Ataun aldeko bidegurutzea erabili behar da. Autobus geralekuak ere ezeztatuta daude Lazkao Txiki Zelaian.

Demode Quartet ahots laukote nafarrak izen bera duen ikuskizunaren euskarazko bertsioa taularatuko du etzi, 22:15ean, Ordiziako Herri Antzokian. Patxi Barco aktore ezaguna da antzezlan “dibertigarri” honen zuzendaria. Antzerki ikuskizun honetan a capella egindako “bertsio alaiak” entzun ahal izango dira, pianoz, biolaz, kaxoi flamenkoz eta koreografiaz lagundutakoak. Ordiziako eta Beasaingo udalek antolatutako Antzerki Garaia zikloaren barruko saioa da biharkoa. Demode Quartek taldea Iruñean sortua da, eta Joli Pascualenak, Mikel de la Fuentek, Iker Huitzik eta Mikel Espinalek osatzen dute. Laurek dituzte musika arloko ikasketak, eta aurrez hainbat talde eta abesbatzatako kide izanak dira. Laukoteak beraien itzalari edo abestien itzalari barre egiten ikasi dute ikuskizun honekin, eta egiten dituzten interpretazioak «originaltasun dosi handia» dute. Aretha Franklin, Michael Jackson, Queen edota Madonnaren bertsioak egiten dituzte saioan.

Joan Inazio Hartsuaga idazle tolosarrak euskarari buruz hitzaldia egingo dute bihar, osteguna, Ataunen. Atauniker kultur elkarteak antolatuta Euskarak ba al du etorkizunik? gaia erabiliko du. Hitzaldia etzi 19:30ean hasiko da udaletxeko areto nagusian....

Joan den astean elkarbizitza eta biodibertsitatea lantzeko helburuarekin hainbat ekintza burutu zituzten Idiazabalgo Aita Iparragirre herri eskolan. Ekimen sorta horri bukaera emateko igandean, martxoaren 6an, Zuhaitz Eguna ospatu zuten. Joxe Goikoetxea Eskola Agenda 21eko ordezkariaren hitzetan jende ugarik parte hartu zuen, «giro ezin hobean» eta beraz, oso gustura daude herri eskolakoak jasotako erantzunarekin. Igandean goizeko bederatzietan herriko plazan elkartu ziren haurrak, gurasoak eta irakasleak. Guztira 85bat lagun eta Juan Mari Aldanondo buru zutela ibilalditxoa egin zuten herrian zehar hainbat zuhaitz ezagutzeko helburuarekin. Lehendabizi erreka ondoko landaretza ikuskatu zuten eta ondoren, Gorri baserriaren inguruan ibili ziren. Bertan haritzak, lizarrak, urkiak eta makalak bezalako zuhaitz autoktonoak ikusi zituzten. Baita kanpotik ekarritako Insignis pinua bezalako zuhaitzak ere. Ondoren herrigunera jaitsi eta zuhaitzak landatzeari ekin zioten. Txomenarena parkean madroño bat landatu zuten, futbito ondoko lorategian bi arte eta Gurutze Berri eta Zigor auzoetan berriz, hogei bat haritz. Joxe Goikoetxeak jakitera eman duenez, aurten zuhaitzak herrigunean landatzeko erabakia hartu dute «haurrek zein helduek egunez egun zuhaitz horien jarraipena egin dezaten». Talo tailerra Eguerdi partean Zuhaitz Egunean parte hartutako lagunek zein beste zenbait herritarrek talo tailerra egin zuten. Asko izan ziren ore zati bat hartu eta taloa egitera animatu zirenak. Besetak berriz, aldamenetik begira eduki zituzten. [...]

Idiazabalgo ezker abertzaleak bulegoa ireki du herrian herri programa osatu asmoz. Ezker abertzaleko kideen hitzetan ekimen horren bidez herriko sektore desberdinengana eta herritarrengana gerturatu nahi dute. «Idiazabaldarren ekarpenez osatutako h...

Emakume langilearen nazioarteko eguna atzo bazen ere ofizialki, Gaintzan larunbatean ospatuko dute. Oteñe jatetxean afaria egingo dute herriko emakumeek, zapatuan 21:00etan. Izena biharko eman behar da jatetxean bertan edo telefonoz hots eginda (943 8...

Segurako Kirol Elkarteko Mendi Sailak antolatuta Uzturre (Tolosa) mendira irteera egin zuten joan den igandean. Haurrek eta helduek osatutako taldea 8:30ean elkartu zen herriko plazan, eta gogotsu abiatu zen mendirantz. Behin gora iritsitakoan Uztur...

Menpekotasuna duten adineko pertsonak zaintzen dituzten familientzako ikastaroa antolatu du Ordiziako Udaleko Gizarte Ongizate sailak datorren asterako. Hilaren 14tik 18ra izango saioa Jubilatuen egoitzan, 15:00etatik 17:00etara. Matia Institutuko Gero...

Arrastaka Mendi Taldeak bi zeharkaldi antolatu ditu martxoaren 19rako eta 20rako. Lehen zeharkaldia iparraldean izango da eta bigarrena Nafarroan. Martxoaren 19an, larunbata, Baigorri eta Bidarrai lotzen dituen G-10eko etapa egingo dute. Iparla mendilerroko gailurretan barrena egingo dute ibilaldia, Aintziaga (905 metro), Bustanzelei (1.029 metro), Astate (1.022 metro), Tutulia (983 metro) eta Iparla (1.044 metro) mendietara igoz. Eguraldi ona egiten badu, urrutira bada ere, Ori tontorra eta Pic de Midi de Bigorre ikusteko aukera ere izango dutela diote Arrastakakoek. Larunbateko ibilbideak guztira 19 kilometroko distantzia du eta egiteko 7 ordu beharko dituztela kalkulatu dute. Lehen mendi ibilaldia amaituta, gaua Arantzako aterpetxean igarotzea dute aurreikusita Arrastakakoek. Hala, igandean Arantzako zirkotik zeharkaldia egingo dute igandean. Mendaur (1.131 metro), Ekaitza (1.047 metro), Loizate (1.048 metro) eta Komiz (1.037 metro) eta Izu (829 metro) mendiak igoko dituzte. 30 kilometroko ibilbidea izango da eta egiteko 12 ordu beharko dituztela kalkulatu dute antolatzaileek. Bilera datorren asteartean Irteeran parte hartu nahi dutenek, datorren asteartean (martxoak 15) Ehumilak-Arrastakaren bulegoan (Iturrioz kalean) egingo den bilerara joan beharko dute. Bilera 19:30ean izango da eta bertan irteerari buzko xehetasunak eta argibideak emango dira eta parte hartzaileek dituzten zalantzak argituko dituzte. Beste behin ere, irteeran parte hartzeko, derrigorrezkoa izango da mendiko federatu txartela [...]

Gabiriarekin batera aritu ziren ostiralean Trikitilariak eta Beteranoak taldekoak. Bertso onak izan ziren saio osoan zehar, baina baita bertsoaldi grisen...

Antolatzaileek uste baino korrikalari gehiagok parte hartu zuten atzo goizean Beasainen egin zen Lehen Herri Lasterketan. Guztira 275 korrikalari helmugaratu ziren, horietatik 113 goierritarrak. Denen artean azkarrena Juan Karlos Valdivielso beasainda...

Ampo Ordiziak bikain borobildu utzi zuen atzo denboraldia. Ligaren irabazle La Vila taldea hankapean hartu zuen Altamiran (44-10), eta puntu eskas batera geratu da sailkapenean, Espainiako Ohorezko Maila sekula egin duen denboraldi onena eginez. Zelaian festa handia izan zen, baita ondorenean ere. Taldearen zaleek bazkari erraldoi bat prestatu zuten (mila lagunetik elkartu ziren), eta jokalariei harrera eta omenaldi txiki bat ere egin zieten. Hortik aurrerakoa Ordiziako kale eta tabernatan ospatu zuten. Ordizia 0 eta 10 galtzen hasi zen, baina Simpsonen eta Mungiaren entsegu banak aurretik jarri zioten goierritarrak (12-10). Hala bukatu zen lehen zatia. Bigarren zatia hasi bezain pronto, Fishek lortu zuen entsegua (19-10), Goiak hurrena 65. minutuan (29-10), eta partida erabakita zegoenean zelaian jaun eta jabe zen Ampo Ordizia. Axier Alvarez de Eulatek bi entsegurekin itxi zuen markagailua, zaleen gozamenerako. Partidaren bukaeran ohorezko pasiloa egin zieten Ampo Ordiziako jokalariak La Vilako txapeldunei, eta ondoren, iazko jokalari atzerritar onenaren saria jaso zuen La Vilako Rian Le Rouxek, eta gazte onenarena Julen Goia idiazabaldarrarentzat izan zen.

Atzo eguerdian Urretxuko udaletxean egin zen ekitaldiarekin hasiera eman zitzaion, martxoaren 8aren bueltan egingo diren ekintzei.

Aranguren eta Taxoare mendizerrak bisitatzeko aukera izango da sei bat ordu iraungo duen irteeran. Tartean Irulegiko tontorrean zegoen gazteluaren aztarnak ikusteko aukera...

Atzo hasi eta gaur egun osoan zehar, azoka txikia ari dira egiten Ordizan, herriko merkatari eta ostalari elkarteak antolatuta. Elkarteko dendetako atarietan produktuak jarri dituzte salgai beherapenetan eta tabernetan ardoa eta pintxoa euro eta erdian. Arratsaldean jarraituko dute ekimenarekin, 16:30etik 20:00etara bitartean. Ordizian elkarteko Amatriain fruta dendan, Sukia, Mirentxu, Porfirio Fernandez, Matti, Palomo, Zabale, Arantza, Irurena, De la Cuesta, Ugalde edariak, Sehaska, Vicuña, Ttipi-ttapa, Ness, Lirain lurrindegian, Gofi eta Kixmi dendetan jarri dituzte produktuak beherapenekin. Bestelako deskontuak ari dira egiten baita ere D’elikatuz zentroan, Hidalgo eta Lekuona dendetan eta Foto Ordizia eta Foto Josetxo Marin argazki dendetan. Erosi beharrekoak erosi ondoren zazpi tabernetan egiten ari diren eskaintzaz ere gozatzeko aukera egongo da arratsaldean. Amonane, Olano, Pias, Ostadar, Aldasoro, Haizpe, eta Pottoka tabernetan pintxopoteoa egin daiteke: ardoa eta pintxoa euro eta erdian. Luis Cañas etxeko urteko ardoa eta Ordizian elkarteko logoarekin adierazitako pintxoak eskainiko dituzte tabernariek eskaintzaren barruan. Ipuin kontaketa txikientzat Arratsaldean txikienei zuzendutako ekintza ere antolatu dute Ordizian elkartekoek. 17:30ean hasita Maite Franko ipuin kontalariak saioa egin du Jose Migel Barandiaran plazan eta ordu betez istorio ezberdinez gozatzeko aukera izango dute. Bigarren eskuko azoka ere bai Ordizian elkarteak antolatutako azokaz gain, bigarren eskuko produktuak saltzeko azoka ere egin dute goizean [...]

Bealak korrikalari taldeak biharko antolatu duen Beasaino I. Herri Lasterketa dela-eta, trafikoan hainbat aldaketa egingo ditu bihar goizean Udaltzaingoak eta hainbat kale itxita egongo dira. Goizeko 09:00etatik 13:00ak ingurura arte Antzizar kiroldegi...