
Lazkaoko Joxemiel Barandiaran Kiroldegian obretan hasiko dira gaur. Barruko igerilekuaren eremua handituko dute, bi solairuko eraikina altxatuz. Irisgarritasuna hobetzeko lanen barruko egitasmoa da, eta behin lanak bukatutakoan kanpoko igerilekuetara i...

Zumarragako Ospitalean tokologia zerbitzua handitzeko lanak hasi dituzte. Aurreikuspenen arabera lanak hamabost hilabetez luzatuko dira.

VIII. Berdintasun Foroa Zelai Arizti kultur etxean Eraldatzen elkarteko kideek zortzigarren urtez ospatu dute Berdintasun Foroa. Formatoa aldatu dute aurten eta eztabaida-mahaiak osatu ordez, testigantzak ekarri dituzte, indarkeria fisikoa eta psikologikoa jasan duten emakumeen bizipenak entzungai izan dira gaur, Zelai Arizti kultur etxean. Erakundeen aldetik Zumarragako Udala egon da ordezkatuta, Mikel Serrano alkateak eta Lurdes Canduela berdintasun zinegotziak Foroan parte hartu baitute. Aurkezpenean alkateak esan du “penagarria da hain jende gutxi elkartzea horrelako ekintza batean”. Ez da hitz askoz gehiago egon antolatzaileen eta ordezkarien aldetik. Emakumeek hartu dute hitza kontatzeko eta entzuteko zailak diren bizipenak guztiekin banatzeko. Ezer baino lehen, Mikel Laboaren Izarren hautsa jarri dute aretoko bozgorailuetan eta, isiltasuna. “52 urte ditut. Etxekoandrea naiz, bi seme-alaba ditut eta 35 urte dira umiliazioa eta mespretxua jasotzen dudala. Hasieran bera konforme eta pozik egon zedin edozer gauza egiten nuen. Denborarekin konturatu naiz, horrela ere ez dela gai bizitzaz gozatzeko, ez dagoela inoiz konforme eta gainera ni errudun sentiarazten nau. Telebistan programa bat ikusi nuen, tratu txarrei buruzkoa, konturatu nintzen ni ere tratu txarrak jasaten ari nintzela, kontatzen zutena eta gehiago bizia nuen nik.Lur jota geratu nintzen, jakin nuen senarra aldatzekotan txarrera baino ez zela aldatuko. Gertatu zaidan guztia idatzi du.” “Zortzi [...]

Ormaiztegiko San Andres jaiak bete betean diren honetan, festa giroaz gozatzeaz gain, herriak eta herritarrek 30 urtean izan duten bilakaera bertatik bertara ikusteko aukera izango da, herritik mugitu ere egin gabe. Hori guztia, Angel Elorzaren eskutik, udaletxearen azpiko aretoan argazki erakusketa jarri baitu. Erakusketa hiru ataletan dago banatuta: Herriaren aldaketa fisikoa, Herriko elkarteen, taldeen eta erakundeen jarduera eta azkenik, Jaiak, ospakizunak eta ohiturak. Guztira 600-650 argazki daude bertan eta gaurtik asteartera bitartean ikusi ahalko dira: gaur arratsaldean soilik eta gainerako egunetan, eguerdian eta arratsaldean. Aurtengoa ez da Elorzak egin duen erakusketa bakarra, baina bai zabalena 1980tik 2010era bitarteko argazkiak bildu baititu bertan. Artxibo garrantzitsua da zentzu horretan eta ikusterraza, lan denak data jarrita eta horren arabera ordenatuta baitaude. Argazkiak ikustera gerturatzen denak, ahaztuta zituen hainbat kontu bergogoratzeko aukera izango du. Eta ez hori bakarrik. Ordutik hona, Ormaiztegik eta ormaiztegiarrek izandako aldaketak ere ikusi ahalko dituzte, Elorzaren lanak baitira aldaketa horien testigu. «Ormaiztegi fisikoki dezente eraldatu da, beste herri batzuetan baino etxe gutxiago egin dituzten arren. Herritarren ohituretan, janzkeran… ere aldaketa ugari eman da», dio Elorzak. Argazkigintzaren aldaketa Argazkigintzak berak ere aldaketa itzela eman du. Elorzaren ustez, nabarmenena kamara digitalaren sorrera izan da. «Lehen karreteak errebelatzen dirua joaten zen eta argazkia [...]

Gaur CAFen egin dituzten hauteskunde sindikaletan LAB sindikatuak lortu du boto gehien. Hala, Batzordea osatzen duten 25 ordezkaritatik 11 izango ditu LABek, ELAk 8, ESK-k 3, eta CCOOk beste 3. UGT sindikatuak ez du ordezkaririk izango. Gaurko ...

Ikusmina sortu zuten atzoko ferian denboraldi honetako Udaberriko lehen zizek (500 gramo). Urte garai honetan beti izaten dira batzuk, gero urtarrila-otsaila bitartean gutxiago edo bat ere ez izatea ere normala da, bere berezko garaian udaberri aldera berriz ere hasteko. Baina lehenengoak, neurri oso politekoak, atzo Patxi Aierbek bilduak Mikel Lasaren postuan ziren. Urte sasoiaren marketan erreparatuta kontraesantzat jo daitezken elementuak uztartu ziren Lasaren postuan, izan ere udaberriko zizak eskaintzearekin batera danbolinean gaztainak erretzen ari ziren. Zein noizkoa? Udazken-negu-udaberriko nahasketa bitxia. Naturaren sorginkeriak. Udazkena hain hotza joan ez bada ere, udako produktuen denboraldia bukatutzat eman daiteke. Postu gutxi batzutan ikusten dira oraindik negutegiei esker irauten duten piper, leka, berenjena, kuiatxo… baina ia azkenekoak. Aldiz, hasi direnen artean, lehen kardoak aipatu behar ditugu 2 eta 3,5 an salgai buruko jarri zituen salgai Edurne Jauregi Baliarraingoak eta Legorretako Mujuriko Juan Madinak kakiak (3 euro kiloa) ekarri zituen. Artegietako lehen arkumeak Bestalde hasi dira artegietan arkumeak jaiotzen, «eta bixki asko» diotenez. Ordizian 4 buru, kiloko 4 euroko proportzioan saldu ziren atzo. Zuzenean artzainek etxetik saltzen ari direneko prezioari buruz, badirudi astean astekoa aldakorra izango dela, prezioan gora beherak izango direla. Aste honetan, esaterako, 225 buru 3,80 euro kiloa + BEZa salneurrian saldu direneko kontua [...]

Hirugarren urtez antolatu dute Igartubeiti museoan Argazki Digital Lehiaketa Sagardo Asteko ekitaldien barruan. Lehiaketa hau Legazpiko Ikatza eta Urretxuko eta Zumarragako Argazki taldeen lankidetzarekin egiten dute. Hemeretzi partehartzaile izan dira aurten, hamabi heldu eta zazpi haur. Gorka Salmeron (argazkilaria), Julian Gil (Ikatza) eta Guillermo Murciego (Argazki) izan dira epaimahaikide eta aurtengo irabazleak: Helduak Xabier Artola Iñaki Gonzalez Luis Zubizarreta Haurrak Mikel Ferreiro Lucia Rogado Jon Ander Campos Irabazle guztiak ezin izan dira gaurko sari banaketan egon. Ondoren, argazkien proiekzioa egin dute Ezkio-Itsasoko Igartubeiti museoan.

Ormaiztegin San Andres jaiak ospatzen ari dira eta aurtengoan ere eguraldiak gehiegi lagundu ez duen arren, euria ari du gaur tarteka, haurren danborradak eta mozorroen koloreek festa giroa piztu dute kaleetan. Danborrari txikiez gain, indioak eta bakeroak ziren mozorrotutako gehienak, haur eta helduak. Afrikako nonbaitetik etorritako tribua ere bazebilen kaleetan, baita pailazoren bat edo beste. Bihar: 12:00-14:30/16:00-18:00. Haurrentzako parkea Zubipe kiroldegian. 11:00-14:00. Herriko plazan Ormaiztegiko XIII. Odolkiaren Osagaien Azoka eta Lehiaketa eta Ormaiztegiko Osolkia osagaitzat duten plateren XI. Sukaldaritza Lehiaketa egingo dituzte. 12:00. Ardo dastaketa. Lehiaketaren ondoren. Ormaiztegiko Lehiaketaren sari banaketa eta dastaketa, plazan Baso-Txulo eta Barduliarrak elkarteen laguntzarekin. 18:30. Goruntz dantza taldearen saioa Zubipe kiroldegian.

Atseden jubilatuen eta pentsiodunen elkarteak ‘Segura: herria ezagutzen’ izeneko lehiaketa du martxan azaroaren 15etik. Atsedenen 25. urteurreneko ospakizunen barruan, Segurako Udalak lehiaketa bat egin zuen. Herritarrek Segurako 144 ate...

Gurutz Sarasola Martinez Lotsati (Itsasondo, 1915 – Donostia, 1936) olerkari itsasondoarraren biografia eta olerkiak liburuan atera dituzte. Gaur eguerdian aurkeztu dute Ilunpetik argira. Olerkiak (1935-1936) lana Itsasondoko udaletxean. Alvaro Rabelli filologo basauriarrak egin du liburua, eta Alberdania etxeak argitaratu du. Gerra aurreko olerkigintza aberatsaren testuingurua osatzeko balioko pertsonaia da Lotsati, gaur Ibon Sarasola euskaltzainak aitortu duenez. Bizitza eta idazkuntza laburra izan zuen itsasondoarrak, baina 1935eko uztailetik 1936ko otsail-martxora El Dia egunkarian eta beste hainbat agerkaritan argitaratu zituen olerkiekin bere burua ezagutarazi zuen. Ilunpetik argira liburuak bi atal nagusi ditu, 120 orrialdetan. Batetik, bere burua 20 urte zituela trenbidera botata bizitza eten zuen poetaren datu biografikoak bildu ditu Rabellik. Bestetik, gerra aurreko prentsan argitaratutako poemekin, eta ezkutuan zeuden beste batzuekin Lotsatiren lan literarioa apailatu du. 25 olerki ditu. Literatura moldeari dagokionez, olerkia idatzen zuen gehienbat. “Garai hartako idazle guztiak bezala euskara eta Euskadi goretsiz hasi zen idazten. Baina abailduta zegoen pertsonalki, eta zenbat eta abailduago egon, orduan eta olerki hobeak idatzi zituen”, esan du Rabellik. Ideologiaz –baserria, hizkuntza, erlijioa, aberria…– eta maitasunaz egin zituen poemak. “Oso pertsona barnerakoia, apala eta sentibera aurkitu dut. Euskara eta literatura zituen helburu, eta biak bateratu egin zituen garai hartarako jada”. Lotsati, Itsasondoko arbel meategien jabe [...]

Ordizian dauden elkarteen lana gizarteratzeko asmoarekin hasi zen udala Boluntariotzaren Eguna antolatzen. Hirugarren ekitaldia ospatuko dute aurten eta odol emaileen lana aitortu eta gizarteratu nahi dute. Horretarako, abenduaren 2an egingo dute ekitaldia, 18:30ean, D’elikatuz zentroan, Ekimena aurkezteko agerraldian Jose Migel Santamaria alkateak, «Ordizia elkarte aldetik aberatsa» dela eta elkarte hauek egiten duten lana «funtsezkoa» dela azaldu du gaur. «Ehunka lagun ari dira lanean herriaren alde, eta hauen lana gizarteratzea garrantzitsua da». Bide horretatik, aurten Ordiziako odol emaileen elkarteak 45 urtean egindako lana eskertu nahi dute. Elkarte hau 1965ean hasi zen odol ateratzeak egiten. Elkarte honetako kideez gain, herriko boluntario guztiak gonbidatu dituzte osteguneko ekitaldira. Datorren asteko ekimena iragartzearekin batera, aurten ere boluntariotzaren egutegia ateratzeko asmoa duela jakinarazi zuten udal ordezkariek. Monica Marañon zinegotziak, «hau egutegia ateratzen dugun bigarren urtea» izango dela eta «etxez etxe» banatuko dutela azaldu zuen. Elkarbizitzeko teknikak landuko ditu Gurutze Gorriak antolatu duen tailerrak ’Zu zara giltza’ ekimenaren barruan, Ordiziako Udalak eta Goierriko Gurutze Gorriak ‘Elkarbizitzarako ariketak’ tailer praktikoa antolatu du datorren astearterako. Bertan, «komunitatean eta elkartasunean» bizitzeko landu beharreko gaitasunak izango dituzte hizpide. Tailerra gidatuko duen Maider Gonzalez psikologoaren arabera, «bizikidetza lantzeko hamar gaitasun zehaztu ditugu, baina bi dira nagusiak: norbere burua ezagutzea eta besteekiko enpatia». [...]

Salbatoreko industriagunean dagoen Oria karrozeriako pintura kabinak su hartu du 12:30ak inguruan. Ertzaintzak jakitera eman duenez ez da zauriturik egon eta langile guztiak onik daude. Ordiziako suhiltzaileak saiatu dira sua itzaltzen, baina pintura eta disolbatzaile poteek su hartu dute eta Legazpiko Suhiltzaileen laguntza behar izan dute. Pintura kabina erabat kiskalita geratu da, baina suak lantegian zenbaiterainoko kalteak eragin dituen ezin izan dute zehaztu ertzainek. Sua ez da ondoko lantegietara zabaldu.

San Andres jaietako lehen asteburua bukatuta, prest daude berriz ere ormaiztegiarrak festari heltzeko. Ostiralean, azaroaren 26an hasi eta asteartera bitartean ez da aspertzeko aukerarik izango. Ostiralean, azaroaren 26an, 18:00etan Ikurriña altxatuko dute eta suziriak ere botako dituzte jaien hasiera iragartzeko. Txindata musika eskolako trikitilari taldea ere bertan izango da eta baita buruhandiak ere. Arratsaldeko zazpietan ‘Eskubide guztiak guztiontzat’ lelopean kontzentrazioa egingo dute herritarrek eta 22:30etik aurrera Emon, Egurra ta Kitto eta Trikizio taldeen eskutik kontzertua izango da txosnetako karpan. Saio hori, Ormaiztegiko Udalak antolatu du Ormaiztegiko Gazte Asanbladaren laguntzarekin. Larunbatean mozorrotutako lagun taldeek hartuko dute protagonismoa. Lagun talde asko izango dira beraz, gai bat aukeratu, gaiari egokitutako mozorroak, osagaiak eta bestelakoak prestatu eta kalera irtengo direnak. Egun guztian zehar girorik onena jartzen duten taldeak saritu egingo dituzte. Horrela, 12 urtetik 16 urtera bitartekoentzat 150 euroko saria izango da eta 16 urtetik aurrerakoentzat berriz, 210 euroko saria. Epaia herritar desberdinek osatutako epaimahaiak emango du, urteroko moduan. Igandean, Ormaiztegiko XXIV. Odolki Lehiaketa, XIII. Odolki Osagaien Azoka eta Lehiaketa eta Ormaiztegiko odolkia osagaitzat duten plateren XI. Sukaldaritza Lehiaketa egingo dituzte herriko plazan, 11:00etatik 14:00etara bitartean. Ormaiztegiko Odolkia osagaitzat duten plateren XI. Sukaldaritza Lehiaketan, herritarrek soilik parte hartu ahal izango dute. Platera igande eguerdiko [...]