Bilduk Segurarako prestatu duen herri programa eta haustesle zerrenda aurkezteko ekitaldia egin du gaur arratsaldean Segurako kultur etxean. Segurako Udalerako Bilduren zerrendaburua Eluska Gerriko dela eman dute jakitera. Gerrikorekin batera beste ...
Bihar ostirala, maiatzak 6, Iparra-Hegoak eta Elorri elkarteak antolatuta kantaldia eta antzerkia egingo dituzte Botikaxahar kultur gunean, 19:30etan hasita. Kantaldirako zein antzerkirako sarrera doan izango da. Iparra-Hegoak eta Elorri elkarteak...
Legazpiko PSE-EE alderdiak aste honetan aurkeztu ditu bere hautagaiak eta datozen hauteskundeetarako programa. Oscar Valbuena alkategaiak azaldu duenez, «erregenerazio ekonomikoa, hirigintza, gizarte zerbitzuak eta garapen jasangarria» izango dira sozialisten programaren ardatz nagusiak. Herriko mugikortasun plana «hankamotz» jaio zela dio Valbuenak. Hala, datozen lau urteetara begira, barrera arkitektonikoak kentzea proposatzen du, eta herriko trafikoa arintzeko, Olaondoko biribilgunea eta Minibusaren garrantzia azpimarratu ditu. Bidegorriak bukatu eta aparkamenduaren arazoari heldu behar zaiola uste du. Horretarako, herri barruan minibusaren erabilera bultzatu eta TAOrik gabeko aparkaleku mugatuak jarri behar direla dio. Horrekin lotuta, 2012. urterako, kale nagusia erdi-peatonal egiteko aukera ikusten du. Hirigintza eta ekonomia Egun martxan dauden hirigintza lanak bukatu eta Urtatzolan eta Bikuña-Aiztonagan babes ofizialeko etxebizitzak egin nahi dituzte. «Ez dugu ahaztu behar Legazpik lurzoru mugatua duela; ezin du eraiki eta eraiki jarraitu, auzoak zaharberritu behar ditu». Hala, Eusko Jaurlaritzak onartu duen laguntza planaren bidez, San Inazio, San Martin eta Arantzazu auzoak berritu nahi dituzte. Sozialisten ustez, «erregenerazio ekonomikoa izango da datorren legegintzaldiko lanik garrantzitsuena eta zailena». Valbuenaren ustez, Legazpiko ekonomiak dependentzia handiegia izan du metal eta siderurgia arloarekiko, eta sektore hori ziklo baten bukaerara iritsi denean, «horren eragina jasaten ari gara». Zentzu horretan, industria dibertsifikazioa eta industriarako zoru gehiagoren beharra jasotzen dituzte [...]
Igartubeiti baserri museoak larunbaterako, maiatzak, 7, Esnatu baratza izeneko tailerra antolatu du, 17:00etatik 18:30era. 6tik 12 urte bitarteko haurrak dituzten familiek parte hartu ahal izango dute. Tailerra doan izango da. Bertan parte hartu n...
Aste Santuko oporretan hainbat ekintza egin zituzten Zegamako Bele Gazte Gaztelekuan. Ainitze Azurmendi bertako arduradunak jakitera eman duenez jende askok parte hartu du ekintza horietan, eta beraz, oso gustura dago jasotako erantzunarekin. Lehend...
Sei urte betetzen ditu aurten Beasaingo Gaztetxeak, eta urtean zehar hainbat ekitaldi egingo dituzte seigarren urteurrenarekin lotuta. Horietako bat izango da bihar gauekoa. Lau taldek kontzertua eskainiko dute gaztetxean bertan. Diskelma talde finlan...
Igandean, maiatzak 8, Javier Ormazabalen oroimenez Seguran antolatzen duten 37. Gurutz Deunaren txirrindulari proba egingo dute. Junior mailako kirolariek parte hartuko dute. Proba Segurako Txirrindulari Elkarteak antolatu du, Segurako Udalaren, S...
Andramendi Ikastolak Herri Urratsera joateko antolatu duen autobusean lekua dago oraindik. Igandean egingo dute Senpereko lakuaren bueltan (Lapurdi) Herri Urrats jaia iparraldeko Ikastolek. Herri Urratsera Ikastolak antolatu duen autobusean joan nahi d...
Aitor Zaldua, Patxi Lasa, Iñaki Albisua eta Ane Albisuak prentsaurrekoan aurkeztu zuten atzo Aralarrek hauteskundeetarako prestatu duen programa.
Hamaikabat alderdiak Joxe Arizmendi aurkeztu du gaur Ordiziako alkatetzarako. Aurkezpen ekitaldian Pello Gonzalez Ogasun diputatu eta Batzar Nagusietarako Oria eremurako hautagaia izan du lagun. Hamaikabat alderdia “alderdi berria” dela esan du, baina zerrenda “ibilbide luzeko pertsonek” osatzen dutela. “Ordizian zazpi zerrenda aurkeztu gara, eta horrek erakusten du Ordizia anitza dela. Frentismoa alde batera utzita, abertzaletasun instituzionala da defendatuko dugun proiektua”. Arizmendik nabarmendu du bere lehentasuna “ordiziarrei eguneroko bizitzan sortzen zaizkien arazoak konpontzea” izango dela. Joxe Arizmendi ordiziarra da, eta 46 urte ditu. 1995tik 2003ra Ordiziako Udaleko alkateorde izan zen, eta 2007. urtetik Foru Aldundiko Politika Sozialeko departamenduaren planifikazio eta inbertsioetarako zuzendaria da. Hauteskunde programaren laburpena Datozen egunetan aurkeztuko duten programaren laburpena egin du Arizmendik aurkezpenean. Hirigintza arloan, esaterako, Ordiziako kasko historikoaren izaera indartzearen alde azaldu da, eta oinezkoentzat espazio gehiago sortuko dituztela iragarri du. “Aparkalekuena ez da Ordiziak duen gabezia nagusia, baina Arboladian lurpeko aparkalekua egitea proposatzen dugu”. San Joango hirigintza proiektuari ere jarraipena eman beharko zaiola gogoratu du, baina aurrera begira alokairuzko etxebizitzak sortzearen alde hitz egin du. Era berean, San Bartolome auzoa “liberatzeko” trenbidea lekuz mugitu beharko dela esan du. “Hori egin bihur dadin lan egingo dugu”. Ekonomia biziberritzeko, berriz, Arizmendik esan du enpresa mailan Ordizia “mugatuta” dagoela, [...]
Orain lau urte bezalaxe, Jose Migel Santamaria Ordiziako Udaleko gaur egungo alkatea da EAJren Ordiziako hautagaia Ordiziako alkatetzarako. Judith Otegi, Arantxa Garin, Jose Inazio Iturriotz, Ion Txurruka –gaur egungo ogasun eta kirol zinegotzia– eta Inma Goiburu dira EAJren zerrendan hurrenak. EAJren Ordiziako hautagai zerrendak “berrikuntza eta esperientzia” batzen dituela esan du Santamariak. “Hautagaien artean politikak eta lan arloko esperientziak bat egiten dute”. 2007ko zerrendarekin alderatuz, 13 hautagaietatik 10 berriak dira. “Helburua Ordiziako behar eta erronka nagusiei aurre egitea da, lidergo tinko batetik abiatuz, ondo definitutako lehentasunekin eta horiek exekutatzeko ahalmenarekin”. Zerrendako pertsona gehienak “herriko mugimendu sozial eta kulturaletan duten inplikazioak” zerrendari “balio erantsia” ematen diola nabarmendu du EAJren alkategaiak. “Ordiziako nortasuna, jendea eta beharrak ondo ezagutzen dituzte”. Santamariak adierazi du ez dutela zailtasunik izan zerrenda osatzerakoan, eta hautagai guztien inplikazioa eskertu du: “Eskerrik asko Mireni eta Joni bereziki, lau urteotan egin duten lan guztiagatik, eta gainontzekoei ere bai, Ordiziarekiko duzuen ilusioa eta esperientzia eskaintzeagatik”. Alderdiak hauteskundeetara eramango duen programa laster ezagutaraziko dutela esan du hautagaiak. Epe ertain eta luzean pentsatuta egin dela dio: “Ordiziak aurrez aurre ditu hainbat proiektu estrategiko eta guk horien alde segituko dugu borrokan. Horiek gauzatzeko gurea bezalako alderdi indartsu batek lideratutako gobernua behar dugu”. Euzko Alderdi [...]
Zahartze prozesu aktiboak adineko pertsonengan onura ugari dituela nabarmendu dute Monica Marañon eta Iñaki Dubreuil Ordiziako Udaleko partaidetza eta ongizate zinegotziek. Zu zara giltza ekimenaren barruan aurten egingo duten ekimenari Zahartze aktiboa izena eman diote, eta mezu hori kaleratzeko gaiari lotutako film eta antzezlan bana izango dira Ordizian datorren astean. Afagi elkarteko Koldo Aulestiaren eta Kimetz elkarteko Chari Campanoren laguntza izan dute bi zinegotziek aurkezpenean. “Zahartze aktiboak nagusien osasuna mantendu, eta adinekoen autonomia eta menpekotasun eza luzatzen laguntzen du”, Dubreuilen ustez. Helduen bizitza kalitatea hobetzeko “osasuna, hezkuntza, eta menpekotasunaren prebentziorako eta autonomiaren sustapenerako politikak” lehenetsi behar direla dio. Marañonen arabera, berriz, administrazio publikoaren eta gizartearen ardura da adinekoen parte hartzea sustatzeko beharrezko organo, instrumentu eta foroak sustatzea. “Ordiziako gizarteak helduen benetako parte hartzea antolatzeko gai izan behar du, horien ongizatea bermatu eta beraien esperientzia, ezagupena, zuhurtasuna, zentzutasuna eta moderazioa bezalako gaitasunak aprobetxatzeko”. Hori da, Marañonen iritziz, “gizarte orekatuagoa eraikitzeko” bidea. Film eta antzezlan bana Zahartze prozesu horretan genero ikuspegia ere aintzat hartu behar dela adierazi dute, eta «emakumeak, eta osasuna eta autonomia mugatua» dutenak gogoan, partaidetzarako delegazioak bi ekintza antolatu ditu datorren asterako. Hilaren 10ean, asteartea, Cuidadores filma proiektatuko dute doan antzokian, 19:00etan, eta hilaren 14an, larunbata, Ellas bailan solas [...]
Goierriko gehiengo sindikalak udaletxe, ikastetxe eta industrialdeetan denera 22 bilkura antolatu ditu, biharko –ostirala–, ilegalizazioen kontra. Bildu koalizioari maiatzaren 22ko udal eta foru hauteskundeetan parte hartzeko aukera utzi ala ez Auzitegi Konstituzionalak gaur gauerdirako erabaki aurretik egin dute deialdia ELAk, LABek, STEE-EILASek, EHNEk eta Hiru sindikatuek. Legez kanporatzeen aurka elkarretaratzeak bihar goizean dira, 22 tokitan. Ordu erdiko iraupeneko bilkurak izango dira, Eskubide guztiak denontzat, ilegalizaziorik ez! leloarekin, Auzitegi Gorenak Bilduren zerrendak legez kanpo jarri izana errefusatzeko. Epai hori Espainiako Gobernuaren «erabaki politiko baten ondorio» dela baloratu dute sindikatuek, «euskal auzian Zapaterok goitik behera politikako eta hedabideetako eskuin muturrak ezartzen dion agenda betetzen baitu». Bildu legez kanporatzeko erabakia epaileen esku utzi izana «koldarkeria nabarmena» da, «parlamentuko oposizioaren presioa gainetik kentzeko». Eskubide demokratikoen alde eta aukera guztiek politikan parte hartzea defendituko duela adierazi du euskal gehiengo sindikalak. Bestetik, Espainiako Gobernuari eskatu dio «egoera politikoaren arabera» joka dezala, «normalizazio eszenatoki baten aldeko konpromisoa» hartu eta herritar guztiei politikan aritzeko eskubidea bermatuta. Langileei dei egin diete gaurko antolatutako elkarretaratzeetan parte har dezaten. Elkarretaratzeak, bihar Beasain: Udaletxea (11:30), CAF (11:00), Guerra (13:45), Indar (13:30), Estanda (12:00). Idiazabal. Jaso (10:00). Itsasondo. Jaso (11:30). Lazkao. Udaletxea (11:30), ikastola (11:30), Legaia/Goian enpresak (09:30). Legazpi. Udaletxea (11:30), industrialdean (13:30). [...]
Bihar ostirala, maiatzak 6, ONCEko Donostiako Oroimenak antzerki taldeak J. Malangaren Obras son amores antzezlana egingo du Aitxuri herri eskolako gimnasioan, 19:00etan. Antzezlan horrek bere etxean konponketak egiteko ideia izan duen familia bat...
“Aniztasuna eta partaidetza” bultzatzeko asmoz aurkeztuko da Beasaingo Hamaikabat alderdia maiatzaren 22ko hauteskundeetara. Josi Insausti da zerrendaburua, eta hamazazpi hautagaitatik hamabi independenteak dira. Insaustik atzo egindako aurkezpenean azaldu zuenez, Hamaikabaten “zerrendan, proiektu abertzale honekin konpromisoa duten aurpegi berriak daude, independenteak haietako asko, eta haien ondoan, kudeaketa publikoan izandako ibilbideagatik ezagunak diren pertsonak”. Hamaikabatek, “ikuspegi abertzale batekin eta udal gobernu plural eta bateratzaile batean oinarrituta” lan egin nahi du Beasainen datozen lau urteetan, “herritarren beharrei erantzun garbi eta eraginkorra emanda”. Horretarako herria ondo ezagutzen duten gizonez eta emakumez osatutako taldea aurkeztu du alderdiak, Insaustiren arabera. Zerrendan independente asko egoteak, “proiektu abertzale berri batekiko eta haren ezaugarriekiko konpomisoa dagoela” zehaztu du udalerako hautagaiak: “Batzean oinarritutako politika egiteko modu berri batetiko, eta frontismoa edo bloke politika egin beharrean, adostasunaren alde egiteko konpromisoa”. “Gehiengo abertzalea abiapuntutzat” Beasaingo gizartean dagoen aniztasun soziologikoa kontuan hartuta, Hamaikabateko kideek uste dute “Beasainek gehiengo abertzalea abiapuntutzat hartuta hazi eta garatu behar duela, gobernu jardun pluralista eta bateratzaile batekin”. Insaustiren arabera, ezin da agintekerian oinarritutako gobernurik egon, eta ezta “inposizioa beste helbururik ez duten blokeak sortu”. Hamaikabat horregatik sortu zela ere azpimarratu du Beasaingo hautagaiak, “ez dugulako abertzaletasun frontistarik nahi”. Herritarren partaidetzan oinarritutako gobernu jarduera bultzatu nahi du Hamaikabatek Beasainen, [...]
Beasaingo Bilduk, astearteko elkarretaratzearen balorazioa egin du, eta oharra kaleratu du. Hauxe da Bilduk dioena: “Bilduko zerrenda guztiak baliogabetzea izan da Auzitegi Gorenak hartutako erabakia. Bilduri hauteskundeetan egotea galaraztea oso larria da. BILDU bide politiko eta demokratiko hutsen aldeko konpromisoa hartu duten pertsonen eta alderdien koalizioa da. EA, Alternatiba, eta Independenteek politikan eta hauteskundeetan parte hartzeko eskubidea dute. Eta oinarrizko eskubide hau galarazi digu Espainiako Auzitegi Gorenak. Hau ez da demokraziarekin bateragarria. Gorenaren zerrenda baliogabetze ebazpen honek ez du inolako funts juridikorik, erabaki politikoa da. Bilduk Auzitegi Konstituzionalari debekuaren helegitea aurkeztu dio eta hurrengo pausoa Konstituzionalak Gorenaren epaiaren alde egingo balu Europara jotzea izango da. Eskubide guztien alde, ilegalizaziorik ez lemapean asteartean bildu ginen egoera larri hau salatzeko. Eskubide zibil eta politikoez ari gara, herritar guztiei dagozkien eskubideez. Jokoan dagoena, beraz, proeiktu politiko zehatz baten aurkako erasoa baino haratago doa. Atxikimendu ugari jaso ditugu (udaleko enpresa batzordea, Lokarri, Ezker Batua, CAF Beasaingo enpresa batzordea, Koskola txaranga taldea, Ostadar, Aurtzaka, Murumendiko pilota eskola…). Herritar askok ere beraien babesa erakutsi digute eta Beasaingo Bilduk eskerrak luzatu nahi dizkie. Baina oraindik ere, badira batzuk konpromisorik hartu nahi ez dutenak, EAJ eta Hamaikabat kasu. Beasaingo Bilduk kontzentrazioan parte hartzeko deialdia luzatu zien eta EAJ-k [...]
Festa usaina hartzen ari da Legorreta. Hilabetera hurbildu dira Azentzio jaiak egutegian. Ekainaren lehen astean ospatuko dira urteko festa nagusiak, baina bien bitartean ez da geldirik egongo herria. Festa giroa pizteko ekitaldiak asteburu honetan bertan izango dira. Larunbatean danborradako entsegua egingo dute, eta igandean dantzari txikiek alaituko dituzte herriko kaleak. Jaietako egitaraua osatzen ari diren bitartean –karteleko irudia aukeratu dute, adibidez, bozketa herrikoian, Amaia Iturriozena– ekitaldiak prestatzen hasiko dira. Horietako bat danborrada da. 13 urtetik gorako legorretarrek parte hartu ahalko dute. Lehenbiziko entsegua larunbatean da, 12:45ean, Harripila kiroldegian. «Entseguetara joan egin behar da danborradan parte hartu ahal izateko», aurreratu dute antolatzaileek. Bost dantza talde igandean Hamaikagarren aldiz Dantzari Txiki eguna ospatuko dute, igandean. Goiz eta arratsalde daude ekitaldiak, Irrintzi Alai taldeak eta udaleko Kultura Batzordeak antolatuta. Hala ere, dantzarien saioak eguerdira arte izango dira. Lau talde gonbidatu ditu Legorretako Irrintzi Alaik: Aurtzaka (Beasain), Jakintza (Ordizia), Iztueta (Zaldibia) eta Nafarroako Aresokoa. Legorretarrek ere parte hartuko dute. Goizean, 11:00etan elkartuko dira Korta eta Zapas enparantzan. Eguerdian aterako dira desfilean. Herriguneko auzuneetan geldialdiak egingo dituzte, pieza batzuk dantzatzeko. Azkenik, 13:00etan, plazan bilduko dira atzera denak, elkarrekin dantza batzuk batera egiteko, Ikurrin dantza eta Aurreskua, tartean. Arratsaldean pailazo emanaldiarekin osatuko dute Dantzari Txiki eguneko [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
