
Urtean zehar eskola kirolaren barruan egiten dituzten mendi irteeretan parte hartzen dutenek, Garin auzoan izango dute elkargunea, asteburu honetan. Izan ere, bertan egingo dute Gipuzkoa mailako finalisten eguna. Ibilaldi neurtua izango da, Beasaindik abiatuta, 08:00etan. Murumendi pasa eta gero, Garin auzora iritsiko dira. Bestalde, Aizkorri mendizale elkarteak GPSa erabiltzeko ikastaro berri bat antolatu du, aurrekoak izan zuen harrera ona ikusita. Bi mailatan emango dute; oinarrizkoa eta aurreratua. Bietan eman daiteke izena, elkartean.

Zaldibia.org herri atarian honako bideoa jarri dute, igandean herrian ospatu zen Ardiki Egunari buruzko erreportajea.

Asteburuan Aralarko parke naturalean jokatu den Enirio-Aralarko II. Field Triala —heriotzarik gabeko oilagor ehiza zakurrekin— Ipar Euskal Herriko Nicola Gurutxageren Deros des pics Luchonnais setter arrazako zakurrak irabazi du. Lehen mailako Bikain-CACT kalifikazioa eman diote epaileek. Eguraldi aldetik baldintza gogorretan garatu da, bi egunez, field triala. Haizea, euria eta zenbait unetan elurra ere egin diete. Egoera horrek oilagorrengan sortzen duen eraginak ere zerikusia izan du, Euskal Herrian Field Trial elkarte antolatzaileko lehendakari Ion Urteaga ormaiztegiarraren arabera. “Zakurren lana zaildu egin du eguraldiak, oilagorren jokabide izua tarteko”. Europa iparraldetik Afrikarantza pasean doazen oilagorrak ehizatzea izan da probaren egitekoa. Ehiza-zakurren iaiotasuna da garrantzitsuena. Hegaztia aurkitu, gerarazi, eta ehiztariari erakutsi behar dio, eta tiro hotsa ateratakoan —ez diote oilagorrari kalterik egiten— lekuan bertan gelditu. Zailtasun klimatikoaren gehigarria izan bada ere, “azkenik” puntu bat hartu ahal izan zuen Deros zakurrak. J.M. Guettek hazia da, eta Gurutxage gidaria bera du jabea. Enirio-Aralarko field triala Euskal Herriko Basoetako Dama sarirako lehenbiziko proba baliagarria zen. Astebukaera honetan —azaroaren 3an eta 4an— Iratiko oihanean (Zuberoa) erabakiko da nor den irabazlea.

Aurtengo Dabilen Elea saria Joxe Azurmendiri emango diote, euskal liburugintzan egin duen ibilbide “luze eta oparoa” errekonozitzeko asmoz. Azaroaren 5ean Donostian egingo den Euskal Liburuaren Gauaren barruan emango diote saria antolatzail...

Olaberriko Udalak uraren eta zaborraren zergak ordaindu behar dituzten herritarren zerrenda onartu du, eta jende aurrean ikusgai ipini du azaroaren 27ra arte, helegiteak jartzeko epeak iraun bitartean. Ondoren, tasak banketxe bidez helbideratuta dituzt...

Beasaingo areto futbol txapelketa antolatzeko bilera egingo dute bihar. Parte hartu nahi duten taldeetako ordezkari bana joatea komeni dela azaldu dute antolatzaileek. Bilera 19:45ean izango da, La Salle ikastetxean. Txapelketa horretan parte hartu nah...

Zaldibian bizi den Maria Luisa Morea amezketarrak jantzi du, zazpigarren aldiz, mondeju onenaren egiletzat beste behin errekonozitu duen txapela. Ardiki Eguna atzo ospatu zuten Zaldibian, eta festaren barruan jokatu zen lehiaketa hori. Azken hiru urteetan jarraian irabazi du Moreak. Denera hamar sari atera ditu lehiaketaren 18. ekitaldietan: zazpi lehenengo postu, bi bigarren eta hirugarren bat. Bigarren Mari Jose Alkaiaga geratu zen, eta hirugarren Modesta Sukiak eta Josune Etxeberriak elkarrekin aurkeztutako sorta. Aralarko Gaztaren 15. Txapelketa ere izan zen. Ordiziako Joseba Intsaustiren gaztak irabazi du, Gipuzkoako txapelduna aurten. Haren aitak jaso zuen saria. Bigarren Bedaioko Karlos Otegi izan zen, eta hirugarren Migel Amiano altzotarra.

Udazken kulturalean antolatu dituzten ekitaldien barruan, 60ko hamarkadan ezagun egin zen talde beterano baten kantaldia izango da larunbat honetan. 1966. urtean sortu zuten Oskarbi taldea; euskal tradizioa, ahots armoniak, jazza eta gospela uztartzen...

Beasaingo Paperak bildumako XX. zenbakia aurkeztuko du gaur Josetxo Zufiaurre (Beasain, 1935) ikerlariak. Ander Iurrita ormaiztegiarraren laguntzarekin, Astigarreta auzoaren historia eta argazkiak bildu dituzte, eta gaurtik aurrera, salgai izango da liburua, udaletxean eta Beasaingo liburu dendetan. Aurkezpena Igartza jauregian izango da, 19:00etan, eta joaten direnek ere izango dute liburua hartzeko aukera. Astigarreta auzoaren historia bildu duzu liburuan. Noizkoa da Astigarretari buruzko lehen aipamena? Agian lehenagokoren bat izango da, baina nik aurkitu dudan agiririk zaharrena 1384. urtekoa da. Astigarreta, Seguraren auzokide egin zen, beste herri batzuekin batera: Zerain, Zegama, Mutiloa, Legazpi, Ezkio eta ingurukoak. Ataun, Lazkao, Beasain, Zaldibia eta horiek berriz, Ordiziarekin auzokidetu ziren. Garai hartan bi gune edo hiribildu nagusi zeuden Goierrin: Segura eta Ordizia. Gaztelako Alfontso VIII. erregeak Araba, Gipuzkoa eta Bizkaia inbaditu ondoren, Frantziara joateko hemendik pasatzen zen, eta bidaia horietan bertan gelditzeko eraiki arazi zituen gotorlekuak ziren, hotel moduan, lapurrengandik babesteko; hortik Villa Segura eta Villa Franca izenak. Segurako auzo izatetik herri izatera pasa zen gero, ordea. Kontua da XIV. mendean, Villa izendapena zuten herriei, ahalik eta auzotar gehien izatea komeni zitzaiela, bideak, zubiak eta antzeko lanak egiteko Batzar Nagusien dirulaguntza jaso ahal izateko. Inguruko auzo hauek guztiak hartu zituzten; baina zer gertatu zen gero? Ba lortzen zuten diru guztia, [...]

Zumarragako lantegiko zaramak eraldatzeko planta dagoen eremua osoko bilkuran aldatu zuten behin betiko

Bihar goizean aurkeztuko dute esperientziaren Foroaren ikasturte berria Ordizian. Goierriko Ingeniaritza Eskolako areto nagusian egingo dute aurkezpena, 11:00etan. Ekitaldi berean diplomak banatuko dizkiete pasa den ikasturtean foroan parte hartu zuten...

Egitaraua oparoa den arren asteburuko azoka da ekimenaren muina; aurten, 35 bildumagilek hartuko dute parte

Lazkaoko Antzar Korrikalariak taldeak autobusa antolatu du Behobia-Donostia lasterketarako, azaroaren 11rako. Urteroko gisan, izena Joxemiel Barandiaran Kiroldegian eman ahalko da. Horretarako azken eguna biharkoa da, asteazkena, urriak 31. Anartz Ezta...

Asteburuko euriak eta hotzak ez dute musika geldiarazi, eta ehunka lagun bildu dira Bernedoeneko karpan, Jazpana Fest jaialdiaren laugarren edizioan. Musika eskaintza zabalari eta kontzertuen maila onari esker, urtez urte indartzen ari den jaialdia da Beasaingoa. Aurten antolatzaileak gustura gelditu dira, bai jendearen erantzunarekin, bai taldeek emandako mailarekin. Hurrengo urterako ere, antzeko formulak erabiltzeko asmoa dutela azaldu dute. Kontzertuen inguruko «balorazio ona» egin du antolakuntza taldeko Mikel Alvarezek. «Egin duen eguraldirako jende pila bat etorri da; nik uste iaz baino dezente jende gehiago izan dela. Gelditzen zaigun pena bakarra da zer izango ote zen eguraldiak lagundu izan balu». Aurtengo apusturik garrantzitsuena, Bigott bezalako artista bat ekarri eta iluntzean jartzea izan da; baina «erabaki ona» izan zela ikusi dute, horrekin, «arratsaldeko zazpiretatik goizaldeko bostak arte, jendea etenik gabe karpan egotea» lortu baitute. Gainera, «beste publiko bat, helduagoa» ere erakarri dute horrela. Eta formula hori, «agian datorren urtean ere errepikatu beharrekoa» dela dio. Lisabö, Bigott eta Belako Ostiral gaueko kontzertuetatik, bi izen azpimarratu dituzte antolatzaileek. Bata Lisabö; «ikaragarriak dira; kontzertuaz ere horixe espero genuen eta hala izan zen». Gainontzeko taldeek ere giro ona jarri zuten. «Erroma oso sendo aritu zen, oso ondo. Mutürbeltzek ere berea egin zuen, Rock & Rolla eta oso giro ona jarri zuten; eta No [...]

Gernikan gaur egin dute urteko feria handiena, urriko azken astelehenekoa. Gazta lehiaketan, Olaberriko Aizpea gaztandegiak aurkeztutako gaztak hirugarren saria lortu du. Txapeldun Zeanuriko Jon Etxeberria izan da, irailean Ordiziako lehiaketa irabazi ...

Larunbat goizean Zegamako Herrira bilgunea aurkezteko mendi martxa egin zuten. Hasiera batean Arranoaitza joatea pentsatuta bazegoen ere, eguraldiak askorik laguntzen ez zuenez, hamar bat lagun Elor Txiki mendira igo ziren. Herrira itzuli zirenean Tartalo elkartean hamaiketakoa prest zegoen, beroan sartzeko. Hamailetakoan jende gehiago batu zitzaien mendi buelta egin zutenei eta herri mailako bilgunearen aurkezpen ofiziala egin zuten. Herriko preso eta iheslariei bidaltzeko argazkia ere atera zuten aurkezpenaren amaieran. Jarraian, aurkezpenean irakurri zen testua: Gaur hemen bildu gara euskal preso eta iheslariei gure elkartasuna adierazteko asmoarekin ezin ahaztu baitezakegu Zegaman ere ohe hutsak ditugula. Izan ere horixe da “Herrira” mugimenduaren helburua etxean ez dauden horien egoera hobetzea, edo behintzat saiatzea. Gatazkari irtenbide demokratikoa eta egiazkoa eman nahi diogu Gernikako Akordioak marraztutako ibilbidea jarraituz. Ibilbide horretan, preso eta iheslariak etxera ekartzea, geure egiten dugun erronka ezinbestekoa da. Eginkizunak batzen gaitu, ez egitasmo politiko jakin batek, ez eta ideologia bakar batek ere. “Herrira” mugimenduak ez du inolako alderdi edota erakunde politikorekiko inolako menpeko loturarik. Gehiago, gure aspirazioa ez da politikagintzan aritzea, preso eta iheslariak etxera ekartzeko helburuarekin bat egiten dugun herritarron mugimendua eraikitzea baizik. “Herrira” mugimenduaren helburu zehatzak hauek dira: Euskal preso politikoen aurkako salbuespen neurriak indargabetzea: dispertsio politikari amaiera emanez; gaixorik diren [...]

86 eta 77 emaitzarekin irabazi zion Santanderreko CD Estela taldeari, larunbatean Aldirin



