Aurten beteko dira 60 urte Imazek eta Urteagak herriko beste lau emakumerekin batera lehenengoz erromesaldian parte hartu zutela.
Mounir Marijeh Jerusalemgo palestinarra, Euskal Herrian dago hitzaldi sorta bat eskaintzen, Israelen kolonialismoak Palestina osoan izan dituen ondorioak azaltzeko, eta CAF bezalako enpresen konplizitateak eskubideen urraketan duten eragina salatzeko.
Futbola utzi eta martxan buru-belarri hastea erabaki zuen Hodei Caballero Parrak batxilerra hasi zuenean, aitaren bideari jarraituz. 23 urtez azpiko mailan Euskadiko errekorra ondu du bi aldiz bi hilabeteren buruan.
Gaur bukatuko da Estanko etxearen lizitazioan parte hartzeko epea. Estanko etxean jangela, haur-eskola eta etxebizitzak egokitzea aurreikusi dute. Alkateak azaldu du «zaila» izango dela epe motzean Seroretxen «ezer bultzatzea».
Lenbur Fundazioak eskainiko ditu, udako agendaren barruan. Aterpea, agerraldien tokia eta Bereziartua anai-arreben etxea erakutsiko dituzte. Gidaria Sabino Legarda-Ereño legazpiarra izango da.
Topaketa egin dute gaur goizean Azokan LH6ko eta DBH3ko ikasleek. Herri mailarako dekalogo bat sortzea da helburua.
Ordiziako Jakintza Ikastolako Maddi Garatek notarik altuena atera du selektibitatean, Gipuzkoako, Arabako eta Bizkaiko ikasleen artean: 10etik 9,86.
Ezkioko San Pedro jaiak eta Olarango festak Zegaman, dantza emanaldiak Urretxu-Zumarragak, irakurleen topaketa eta kulturarteko festa Ormaiztegin, kontzertuak, zinema karteldegia... Ikus agenda albistean.
Andraitz saskibaloi klubeko, Ilintxa futbol elkarteko eta La Salle eskubaloi elkarteko jokalariek, entrenatzaileek eta zuzendaritza taldeetakoek bat egingo dute plazan bihar eguerdian, taldeko argazkia ateratzeko. Klub bakoitzak bere aldetik jarraituko du denboraldi amaiera ospatzen.
Atzo arratsaldean aurkeztu zuten herriko jostunek aurtengo Kalean Josteko egunerako sortutako proiektua: herriko zazpi zuhaitzentzako eskuz egindako jantziak.
Bi ekintza egongo dira: batetik erronka mitologikoa, 10:30ean Barandiaran museotik abiatuko dena, eta, bestea, Aralarrera txango gidatua, 10:00etan Lizarrustitik abiatuta. Biak igandean izango dira.
Majori kiroldegiko kanpoko igerilekua 11:00etatik 20:45era egongo da irekita larunbatetik. Txiringitoa, berriz, 12:00etatik 21:00etara irekiko dute.
Ormaiztegin elkartuko dira aurten Goierriko irakurleak.
Plastikoa eta sokak bereizita atera behar direla gogorarazi du Goimenek.
Bi guneak egunero egongo dira zabalik, irailaren 14ra arte. Ur txorroten parkearen ondoan behin-behineko komun bat jarriko dute.
'Anatomia bertikalak' izena du kaleratu berri duen poema-liburuak. 12:00etan izango da, Donostiako Udal Liburutegian.